Parashikimi i motit, për datë 27 Nëntor, ja çfarë pritet

Parashikimi i motit, për datë 27 Nëntor:

Sot priten reshje intensive në qarqet Vlorë dhe Gjirokastër, mesatare deri lokalisht intensive në qarqet Dibër, Elbasan dhe Korçë, ndërsa në qarqet e tjera priten reshje mesatare.

Reshjet në të gjitha qarqet pritet të shoqërohen me shtrëngata.

Në qarqet Dibër, Elbasan, Korçë, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Reshjet do të sjellin rritje të prurjeve në basenet e lumenjve të mëdhenj dhe të mesëm Mat, Shkumbin, Seman dhe Vjosë.

Në Veri dhe Lindje në lartësitë mbi 800 m nga niveli i detit reshjet do të jenë në formë dëbore.

Era pritet të fryjë mesatare deri e fortë kryesisht në bregdet dhe ne zonat malore.

Temperaturat minimale dhe maksimale:

Në bregdet: 12 / 15 °C

Në vendet e ulëta: 8 / 15 °C

Në vendet malore: 3 / 9 °C