Parashikimi i motit, për datë 27 Tetor, ja çfarë pritet

Parashikimi i motit, për datë 27 Tetor:

Sot priten reshje intensive deri lokalisht shumë intensive në qarqet Shkodër, Kukës, Dibër dhe Lezhë ndërsa në qarqet e tjera priten reshje mesatare deri lokalisht intensive.

Në qarqet Shkodër, Kukës, Dibër, Lezhë, Durrës, Tiranë, Elbasan dhe Vlorë mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Reshjet në të gjithë vendin do të shoqërohen me shtrëngata.

Era pritet të fryjë e lehtë deri mesatare ndërsa në bregdet dhe zonat malore deri e fortë.

Temperaturat minimale dhe maksimale:

Në bregdet: 13 / 20°C

Në vendet e ulëta: 8 / 19 °C

Në vendet malore: 7 / 15 °C