Parashikimi i motit, për datë 28 Nëntor, ja çfarë pritet

Parashikimi i motit, për datë 28 Nëntor:

Sot priten reshje intensive deri lokalisht shumë intensive në qarqet Shkodër, Kukës, Vlorë dhe Gjirokastër ndërsa në qarqet Dibër dhe Lezhë priten reshje intensive.

Në pjesës tjetër të qarqeve reshjet priten mesatare deri lokalisht intensive. Reshjet do të shoqërohen me shtrëngata në të gjithë vendin.

Në qarqet Shkodër, Kukës, Dibër, Lezhë, Elbasan, Korçë, Vlorë dhe Gjirokastër, IGJEUM parashikon se mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Reshjet do të sjellin rritje të prurjeve në lumenjtë e mëdhenj dhe të mesëm Drin-Buna, Mat, Ishëm, Erzen, Shkumbin dhe Vjosë.

Era pritet të jetë e lehtë deri mesatare ndërsa nesër (e martë, dt.28) era pritet të jetë mesatare deri e fortë në të gjithë vendin.

Temperaturat minimale dhe maksimale:

Në bregdet: 11 / 17 °C

Në vendet e ulëta: 8 / 16 °C

Në vendet malore: 2 / 9 °C