Parashikimi i motit për datë 28 Shtator, ja çfarë pritet

Parashikimi i motit për datë 28 Shtator:

Sot priten reshje intensive në qarqet Shkodër, Lezhë, Tiranë dhe Durrës, në qarqet Kukës, Dibër, Elbasan dhe Vlorë priten reshje mesatare, ndërsa në qarqet e tjerë priten reshje të dobëta. Në qarkun e Lezhës reshjet do të arrijnë lokalisht deri shumë intensive.

Në shumicën e qarqeve reshjet do të shoqërohen me shtrëngata.

Shtrëngatat dhe intensiteti i lartë i reshjeve për momente të shkurtra mund të krijojnë vërshime të përkohëshme të ujit dhe përmbytje lokale sidomos pranë përrenjve dhe lumenjve të vegjël dhe të mesëm ose në zonat urbane në varësi të sistemit të kanalizimeve kryesisht në qarqet Lezhë, Durrës dhe Tiranë.

Era pritet të fryjë e lehtë deri mesatare, ndërsa në bregdet deri e fortë.

Temperaturat minimale dhe maksimale:

Në bregdet: 17 / 23°C

Në vendet e ulëta: 16 / 22°C

Në vendet malore: 11 / 20°C