Parashikimi i motit, për datë 4 Nëntor, ja çfarë pritet

Parashikimi i motit, për datë 4 Nëntor:

Sot priten reshje intensive deri lokalisht shumë intensive në qarqet Elbasan, Berat, Korçë, Vlorë dhe Gjirokastër, ndërsa në qarqet e tjerë priten reshje intensive.

Reshjet do të shoqërohen me shtrëngata në të gjithë vendin.

Sa i përket rrezikut nga përmbytjet, IGJEUM parashikon që në qarqet Shkodër, Kukës, Lezhë, Durrës, Tiranë, Elbasan, Fier, Berat, Korçë, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve. Përsa i përket lumenjve të mëdhenj, ata nuk përbejnë rrezik për përmbytje.

Era pritet të fryjë e lehtë deri mesatare.

Temperaturat minimale dhe maksimale:

Në bregdet: 14 / 18 °C

Në vendet e ulëta: 10 / 18 °C

Në vendet malore: 6 / 14 °C