Parashikimi i motit për datë 5 Dhjetor, ja çfarë pritet

Parashikimi i motit për datë 5 Dhjetor:

Sot priten reshje intensive deri lokalisht shumë intensive në qarkun Shkodër, ndërsa mesatare deri lokalisht intensive në shumicën e qarqeve te tjera.

Në qarqet përgjatë vijës bregdetare reshjet pritet të shoqërohen me shtrëngata.

Në lartësitë mbi 1000 m ato priten të jenë në formë dëbore.

Sipas llogaritjeve të IGJEO, sot dhe me fillimin e javës tjetër në qarqet Gjirokastër dhe Vlorë, mund të ketë vërshime të shpejta të lumenjëve të vegjël malorë dhe rrëshqitje të dherave. Në të gjithë territorin priten rritje të prurjeve dhe në basenin e lumit Vjosa prurjet mund të shkaktojnë përmbytje të lokalizuara kryesisht në datat 6 dhe 7 Dhjetor 2021. Në zonat urbane pothuaj në të gjithë territorin mund të shfaqen probleme me përmbytje të lokalizuara përgjatë datës 6 dhjetor 2021, si pasojë e intensitetit të lartë të reshjeve, në varësi të gjendjes së kanalizimeve.

Era pritet një forcim gradual i saj, veçanërisht në bregdet ku do të arrijë deri e fortë.

Temperaturat minimale dhe maksimale:

Në bregdet: 9 / 15 °C

Në vendet e ulëta: 7 / 15 °C

Në vendet malore: 0 / 10 °C