Parashikimi i motit, për datë 5 Dhjetor, ja çfarë pritet

Parashikimi i motit, për datë 5 Dhjetor:

Sot priten reshje mesatare në qarqet Shkodër, Vlorë dhe Gjirokastër, por lokalisht intensive në qarqet Vlorë dhe Gjirokastër të shoqëruara me shtrëngata.

Shtrëngatat dhe intensiteti i lartë i reshjeve, parashikon Instituti i Gjeoshkencave, për momente të shkurtra, mund të krijojnë probleme të ndryshme si dhe vërshime të ujit në zonat urbane në varësi të sistemit të kanalizimeve në qarqet Vlorë dhe Gjirokastër.

Në qarqet e tjera priten reshje të dobëta por lokalisht mesatare në shumicën e tyre.

Në Veri dhe Verilindje të vendit, reshjet do të jenë në formë dëbore, në lartësitë mbi 700 m nga niveli i detit.

Era pritet të jetë mesatare deri e fortë në bregdet.

Temperaturat minimale dhe maksimale:

Në bregdet: 10 / 13 °C

Në vendet e ulëta: 9 / 13 °C

Në vendet malore: 0 / 8 °C