Parashikimi i motit, për datë 7 Dhjetor, ja çfarë pritet

Parashikimi i motit, për datë 7 Dhjetor:

Sot priten reshje mesatare në qarqet Shkodër, Kukës, Dibër, Lezhë, Durrës, Tiranë, Elbasan, Vlorë dhe Gjirokastër, të shoqëruara me shtrëngata, por lokalisht intensive në qarqet Shkodër, Kukës dhe Vlorë.

Në qarqet e tjera priten reshje të dobëta por lokalisht mesatare.

Sot në Veri, Verilindje dhe Juglindje të vendit, reshjet do të jenë në formë dëbore, në lartësitë mbi 700 m nga niveli i detit.

Shtrëngatat dhe intensiteti i lartë i reshjeve, parashikon Instituti i Gjeoshkencave, për momente të shkurtra, mund të krijojnë probleme të ndryshme si dhe vërshime të ujit në zonat urbane, në varësi të sistemit të kanalizimeve, në qarqet Shkodër dhe Kukës.

Era pritet të jetë e lehtë deri e mesatare.

Temperaturat minimale dhe maksimale:

Në bregdet: 11 / 14 °C

Në vendet e ulëta: 9 / 14 °C

Në vendet malore: 2 / 8 °C