Parashikimi i motit, për datë 9 Dhjetor, ja çfarë pritet

Parashikimi i motit, për datë 9 Dhjetor:

Sot priten reshje mesatare në të gjitha qarqet, por lokalisht intensive në qarqet Shkodër, Kukës, Lezhë, Vlorë dhe Gjirokastër. Ato pritet të shoqërohen me shtrëngata në të gjitha qarqet.

Shtrëngatat dhe intensiteti i lartë i reshjeve, parashikon Instituti i Gjeoshkencave, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në qarqet Shkodër, Kukës, Dibër, Lezhë, Durrës, Tiranë, Elbasan, Vlorë dhe Gjirokastër.

Në Veri, Verilindje dhe Juglindje të vendit, reshjet do të jenë në formë dëbore, në lartësitë mbi 700 m nga niveli i detit.

Era pritet të jetë e lehtë deri mesatare, ndërsa në bregdet deri e fortë.

Temperaturat minimale dhe maksimale:

Në bregdet: 11 / 14 °C

Në vendet e ulëta: 8 / 14 °C

Në vendet malore: 2 / 9 °C