Parashikimi i motit, për datë 9 Janar, ja çfarë pritet

Parashikimi i motit, për datë 9 Janar:

Sot në qarqet Shkodër, Kukës, Lezhë priten reshje mesatare deri lokalisht intensive ndërsa në Dibër priten reshje mesatare. Në qarqet Durrës, Tiranë, Elbasan priten reshje të dobëta deri lokalisht mesatare ndërsa në qarqet e tjera priten reshje të dobëta. Reshjet priten të shoqërohen me shtrëngata.

Sipas llogaritjeve hidrologjike të Institutit të Gjeoshkencave, IGJEO, sot pritet rënie e prurjeve dhe niveleve në të gjithë lumenjtë.

Në Veri, Lindje dhe Juglindje në lartësitë mbi 300 m nga niveli i detit reshjet do të jenë në formë dëbore.

Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugor.

Era pritet të fryjë mesatare deri e fortë në bregdet dhe në zonat malore.

Temperaturat minimale dhe maksimale:

Në bregdet: 2 / 12 °C

Në vendet e ulëta: -2 / 9 °C

Në vendet malore: -6 / 6 °C