Parashikimi i motit për datën 21 Dhjetor, ja çfarë pritet

Parashikimi i motit për datën 21 Dhjetor:

Sot priten reshje shumë intensive në qarqet Shkodër, Kukës, Vlorë dhe Gjirokastër.

Në qarqet e tjera priten reshje intensive dhe mesatare.

Reshjet do të shoqërohen me shtrëngata në të gjithë vendin.

Parashikimi për përmbytje

Sipas llogaritjeve të IGJEUM, sot priten reshje shumë intensive, pothuajse në të gjithë territorin, por edhe jashtë kufijve shtetërorë, në basenin e lumit Vjosa.

Reshjet maksimale i kalojnë vlerat e 100 mm në 24 orë.

Nga llogaritjet e fundit këto reshje mund të sjellin rritje të rrezikshme të prurjeve në lumenjtë e mëdhenj dhe të mesëm Ishëm, Erzen, Shkumbin, Seman dhe Vjosë.

Lumenjtë dhe përrenjë e vegjël mund të shfaqin probleme me përmbytje lokale ose përmbytje urbane në varësi të gjendjes së kanalizimeve në disa nga qytetet kryesore, Tiranë, Elbasan, Lezhë, Durrës, Korçë, Vlorë, Fier dhe Gjirokastër.

Nga llogaritjet hidrologjike rezulton se, me parashikimin e sasisë së këtyre reshjeve, në pjesët fushore të këtyre lumenjve në keto qarqe ka mundësi për përmbytje lokale dhe prurje të larta kryesisht përgjatë fundjavës.

Era pritet të fryjë e lehtë deri mesatare, ndërsa në bregdet deri shumë e fortë.

Temperaturat minimale dhe maksimale

Në bregdet: 11 / 17 °C

Në vendet e ulëta: 10 / 16 °C

Në vendet malore: 6 / 12 °C