Parashikimi i motit për datën 8 Nëntor, ja çfarë pritet

Parashikimi i motit për datën 8 Nëntor:

Sot priten reshje intensive në qarqet Shkodër, Lezhë, Durrës, Tiranë, Fier, Vlorë dhe Gjirokastër por mesatare në qarqet e tjera.

Intensiteti i reshjeve do të vijë duke u zvogëluar gjatë fundit të ditës së sotme.

Reshjet do të shoqërohen me shtrëngata.

Rreziku nga Përmbytjet

Nga llogaritjet hidrologjike të IGJEUM-it, rezulton se rreziku nga përmbytjet do të zvogëlohet ndjeshëm. Në pjesën e basenit Drin-Buna dhe Liqeni i Shkodrës ka patur reshje të dobëta dhe shumë më të ulëta se ato të parashikuara. Në të gjithë territorin, lumenjtë kryesorë do të kenë prurje të larta, por nuk ka rrezik nga përmbytjet ose dalje të lumenjve nga shtrati.

Era pritet të fryjë e lehtë deri mesatare.

Temperaturat minimale dhe maksimale

Në bregdet: 14 / 19 °C

Në vendet e ulëta: 13 / 18 °C

Në vendet malore: 9 / 14 °C