Paratë e bllokuara në Portin e Durrësit/ Përfundon numërimi, ja shuma e saktë…

Ka përfunduar numërimi i sasisë së eurove të bllokuara dje në Portin e Durrësit, e cila po transportohej nëpërmjet dy makinave tip “Toyota”.

Burime nga grupi hetimit bëhet fjalë për 3 milionë e 470 mijë euro. Parate u numëruan pa makineri numërimi dhe nga analiza që u është bërë nuk rezultojnë false.

Hetuesit thonë se eurot u gjeten në katër thasë të vegjel në dy mjete Toyota, që ishin ngarkuar me shtatë mjete të tjera për transport, raporton Panorama.

Mjetet sipas hetimeve vinin nga Belgjika, kaluan tranzit në Itali dhe u bllokuan në Durrës pas njoftimit të Interpol Romës.

Interpol Roma kishte përcjellë informacionin te homologët e tyre në Shqipëri dhe sapo mjetet e ngarkuara në trajler mbërritën në Portin e Durrësit, autoritetet shqiptare ndërhynë.

Gjatë kontrollit u zbulua se në dy prej nëntë mjeteve që ndodheshin në kamionin që i transportonte, ndodheshin të fshehura në thasë shuma e madhe e eurove.

Makinat së bashku me kamionin që i transportonte janë bllokuar në orën 15:00 në Portin e Durrësit, ndërsa ato kishin zbarkuar aty me tragetin e linjës Ankona-Durrës, në orën 10:00 të paradites së djeshme.

Policia në bashkëpunim me Krimet e Rënda kryen sekuestrimin e parave dhe mjeteve që ndodheshin në trajlerin me targa AA 120 SP, i cili gjithashtu u sekuestrua për llogari të hetimeve. Sakaq, Policia dhe Prokuroria për Krimet e Rënda nisën edhe hetime intensive për zbulimin e personave apo grupit kriminal që po transportonte në mënyrë të paligjshme sasinë rekord të parave.