Paratë e vjedhura nga Edi Rama, Basha: Ja si do t’u kthehen shqiptarëve…

Përmes miratimit të një pakete ligjore radikale kundër krimit dhe korrupsionit qeveritar, Kryetari i Partisë Demokratike, Lulzim Basha ka projektuar planin për Qeverinë e tij demokratike se si do të luftoj korrupsionin qeveritar dhe rikuperimin e lekëve dhe pasurive të vjedhura nga Edi Rama me një grusht kriminelësh dhe oligarkësh.

Duke shpalosur Planin e pagëzuar “Ndiq Paranë”, Lulzim Basha garanton se paratë që u janë vjedhur shqiptarëve dhe kanë përfunduar në llogari bankare apo janë investuar kudo nëpër botë do të zbulohen dhe do t’u kthehen shqiptarëve.

I ideuar në katër hapa, realizimi i këtij plani, thekson Kryetari i Partisë Demokratike, Lulzim Basha do të bëhet përmes bashkëpunimit me ekspertë të huaj dhe me agjensitë kryesore në botë për luftën kundër krimit ndërkombëtar, Europoli, agjencitë britanike, hollandeze, gjermane dhe amerikane.

HAPI I PARË

-Miratimi i një pakete ligjore radikale kundër krimit dhe korrupsionit qeveritar.

PRIORITETI I QEVERISË SË PARTISË DEMOKRATIKE:

-Hetimi i korrupsionit të niveleve të larta.

HAPI I DYTË

-Hetimi dhe ndëshkimi i veprimtarisë kriminale të qeverisë për prokurimet dhe licensimet publike.

PRIORITETI I QEVERISË SË PARTISË DEMOKRATIKE:

-Hetimi i mashtrimeve me kontratat dhe fondet publike.

-Hetimi pa asnjë përjashtim i kontratave koncesionare. Çdo kontratë do të konsiderohet si vepër e mundshme kriminale.

-Hetimi i pasurive të çdokujt që është përfshirë në hartimin, miratimin dhe përfitimin e kontratave koncesionare, nga juristi i thjeshtë i tek kryeministri.

HETIMI YNË DO TË PËRQENDROHET TEK PARAJA.

-Do të ndjekë, gjurmojë dhe zbulojë origjinën e parave të përdorura.

-Do të zbulojë destinacionin e parave të marra nga buxheti.

HAPI I TRETË

-Rikuperimi i pasurive të vjedhura përmes kontratave dhe koncesioneve publike

Paratë që u janë vjedhur shqiptarëve dhe kanë përfunduar në llogari bankare apo janë investuar kudo nëpër botë do të zbulohen dhe do t’u kthehen shqiptarëve.

HAPI I KATËRT

LUFTA KUNDËR PASTRIMIT TË PARAVE

1.Hartimi i ligjeve për luftën kundër krimit dhe pastrimit të parave.

PD do të bashkëpunojë me ekspertë te huaj dhe me agjensitë kryesore në botë për luftën kundër krimit ndërkombëtar, Europoli, agjencitë britanike, hollandeze, gjermane dhe amerikane.

2.Miratimi i ligjit për ndalimin e legalizimit në ekonomi të produkteve të krimit. Zbatimi i këtij ligji parandalon investimin në ekonomi të parave të krimit dhe korrupsionit 3.Miratimi dhe zbatimi i paketës ligjore për deklarimin dhe kontrollin e aseteve të politikanëve dhe punonjësve publikë.