Parisi sërish në kaos, policia me gaz lotësjellës kundër grevistëve

Policia franceze ka përdor sot gaz lotësjellës në Paris, në përpjekje për të shpërndarë punëtorët që po protestojnë kundër planeve të Emmanuel Macron për rritjen e moshës së pensionit nga 62 në 64 vjeç.

Pasi protestuesit bllokuan parkingun e  autobusëve në Paris, policia me një ndërhyrje brutale dhe gaz lotësjellës tentoi ti shpërndante punëtorët që po protestonin, por thirrja e Sindikatës CGT ishte shumë më e fortë se sa policia në shërbim të Qeverisë së Macronit, e cila nuk bëri asgjë më shumë se sa plagosi ca protestues që u asfiksuan.

Protestat që sot u futën në ditën e tyre të 29-të, janë protestat më të gjata që nga viti 1968, raporton Reuters.

Ndryshe, dje Sindikata franceze, CGT, ka bërë thirrje që të vazhdohet greva në shkallë vendi, pasi Presidenti Emmanuel Macron bëri të ditur se nuk heqë dorë nga reforma e sistemit pensional, sepse, sipas tij, ky është projekt i drejtësisë sociale dhe përparimit.