Parlajmëroi përgjime të reja, Peter Tiede:Qeveria do të arrestojë Bashën!

Gazetari gjerman i të përditshmes, Peter Tiede, pa pak miuta se të publikohen përgjimet e paralajmëruara përmes një statusi në rrjetin social profilin e tij në “Facebook”, thekson se Qeveria e Shqipërisë siç duket do të arrestojë kreun demokrat Lulzim Basha, në mënyrë që të heqë vëmendjen nga përgjimet.

“Sapo kam dëgjuar se qeveria e Shqipërisë po konsideron të mundshëm arrestimin e kreut të opozitës Lulzim Basha. E gjitha kjo bëhet që qeveria të heqë vëmendjen nga skandali i blerjes së votave në zgjedhjet e vitit 2017. BILD nuk ndalet dhe do të publikojë sërish fakte.

Pyetja është, a kërkon qeveria të arrestojë çdo ditë politikanët e opozitës për të tërhequr vëmendjen nga përgjimet? Sidoqoftë ne nuk e lejojmë veten që të nxitojmë, por bazohemi vetëm në fakte,” thekson gazetari gjerman Peter Tiede.

Ndryshe, më 5 Qershor gazeta gjermane “Bild” filloi publikimin e përgjimeve mes Astrit Avdylajt, pjesë e grupit kriminal të Shijakut, me Kryebashkiakun e Durrësit, Vangjush Dako, por edhe zyrtarë të tjerë të administratës në Qarkun e Durrësit.

Sot gazeta gjermane “Bild” do të bëjë publikoj përgjime të reja ku implikojnë edhe kryeministrin Edi Rama në vjedhjen e zgjedhjeve të vitit 2017.