Parlamenti i Edi Ramës diskuton imunitetin e Sali Berishës, opozita në protestë

Sot Parlamenti i Edi Ramës me kërkesën e Prokurorisë së Posaçme, SPAK, diskuton heqjen e imunitetit të Ish-Kryeministrit Sali Berisha në Këshillin e Mandateve me fillim në orën 12:00, ndërkohë opozita ka paralajmëruar një protestë para Kryesisë së Parlamentit me fillim në orën 11:30.

Duke pasur parasysh se si e trajtoj SPAK “çështjen e privatizimit të ish-kompleksit Partizani”, edhe epilogu i kërkesës së Prokurorisë së Posaçme për dhënien e autorizimit të Prokurorisë së Posaçme për arrestimin-heqjen e lirisë deputetit Sali Berisha është i qartë, pavarësisht arsyetimit se masës “detyrim paraqitje” nuk i ishte përgjigjur Berisha.

Aktualisht nuk dihet se a do të jetë Sali Berisha në Këshillin e Mandateve përballë komunistëve të Edi Ramës dhe prokurorëve të SPAK-ut, por prezenca e tij në Protestën e Opozitës është e padiskutueshme dhe ajo nuk ka lidhje me vendimin e Këshillit të Mandateve për imunitetin e tij, pasi, siç është shprehur Kryetari i Partisë Demokratike, do ta njohë vendimin e Parlamentit, pavarësisht se cili do të jetë ai.

“Nuk protestojmë për personin, protestojmë strikt kundër grushtit të shtetit brenda shtetit që po bën Edi Rama duke marrë pushtetin e parlamentit. Dhe këto protesta do jenë të pandërprera tani ndaj çdo padrejtësie që do na bëhet ne. Këto protesta kanë për mision kryesor rikthimin e së drejtës së votës së lirë të shqiptarëve,” ishte i qartë Kryetari i Partisë Demokratike duke e bërë të qartë se me Edi Ramën nuk ka votë të lirë ndërsa përfundoi:

“Protestat kanë për mision kryesor rrëzimin e narkoregjimit të Edi Ramës. Unë jam shumë që kjo do realizohet. Nuk ka diktaturë bande që i ka rezistuar mosbindjes civile.”

Ndryshe, për këtë protestë, nga ana tjetër, Drejtoria e Policisë së Tiranës ka hartuar një plan masash me prezencë të shtuar të punonjësve të rendit në perimetrin ku do të mbahet protesta.