Parlamenti i Edi Ramës miraton marrëveshjen e Portit të ri të Durrësit dhe Buxhetin 2023

Pas një debati parlamentar që nuk ngacmoi fare logjikën e deputetëve socialistë si për marrëveshjen e Portit të ri të Durrësit ashtu dhe Buxhetit të vitit 2023, Parlamenti i Edi Ramës miratoi ato që, siç u shpreh Kryeministri një javë më parë, mezi e priste.

Kështu, me 74 vota për dhe 35 kundër, Parlamenti i Edi Ramë miratoi projektin e Portit të ri të Durrësit, duke i dhuruar Mohammed Alabbar portin më të rëndësishëm shqiptar për të ushtruar biznesin e tij në një sipërfaqe trualli prej 812.600 m2.

Duke e lënë Durrësin pa port, Edi Rama i “dhuron” këtij qyteti Portin e Jahteve, 12.000 apartamente, 2 hotele me 850 dhoma në total. Në vitin 2023 nis faza e parë e cila zgjatë 5 vite, me një investim, siç thotë Kryeministri, rreth 1.5 miliardë euro dhe jetëgjatësi të marrëveshjes 35 vjet, ku qeveria përfiton 33.3%.

Ndërkohë, për të kuptuar se si vepron Edi Rama me deputetët e tij dele, u konfirmua me rastin e prezantimit të 23 amendamenteve nga opozita. Ndonëse 70 për qind prej tyre ishin propozime të mirëstudiuara nga ekspertët e ekonomisë, jo që nuk u miratua asnjëri, por asnjëri prej 23 amendamenteve nuk arriti të marrë as edhe një votë socialiste.

Në fund, Parlamenti i Edi Ramës miratoi buxhetin 2023 me 77 vota për dhe 35 kundër.

Ndryshe, seanca plenare e cila filloi mëngjesin e së enjtes dhe mbaroi në orët e para të ditës së sotme, ndonëse kishte dhe një interpelancë me Kryeministrin Edi Rama, nuk prodhoi asgjë të vlefshme për qytetarin i cili priste transparencë, përveç shfaqjes së Ramës me vargje nga Noli te Konica, që morëm duartrokitje nga deputetët socialistë më analfabet që ka pasur Parlamenti i Shqipërisë nga Noli deri te llumi i sotëm parlamentar socialist.