Parlamenti i Greqisë ratifikoi Protokollin për anëtarësimin e Maqedonisë së Veriut në NATO
Pas 11 orëve diskutim, me 153 vota për dhe një abstenim, Parlamenti i Greqisë ratifikoi Protokollin për anëtarësimin e Maqedonisë së Veriut në NATO.
Zv/ministri i Jashtëm i Greqisë, Jorgos Katrugalos, sqaroi para gazetarëve se pas ratifikimit të Protokollit, do të filloj edhe përdorimi zyrtar i emrit të ri, Republika e Maqedonisë së Veriut.
Ndryshe, tashmë pas ratifikimit të Protokollit për anëtarësimin e Maqedonisë së Veriut në NATO, Qeveria e Greqisë do të njoftojë të gjitha organizatat ndërkombëtare dhe shtetet anëtare të Kombeve të Bashkuara se Maqedonia nga ky moment quhet Republika e Maqedonisë së Veriut.
