Parlamenti i Kosovës nuk zgjedh Nënkryetarin nga pakica serbe, mbyllet seanca
Parlamenti i Kosovës nuk ka arritur të zgjedhë Nënkryetarin nga pakica serbe pasi asnjëri prej deputetëve të propozuar nuk mori shumicën e mjaftueshme të votave. Si pasojë, Kryetari i Parlamentit, Dimal Basha, e ka konsideruar të mbyllur seancën konstituive.
“Konsideroj se moszgjedhja nuk mund të bëhet pengesë që bllokon konstituimin. Pas përmbylljes, Kuvendi duhet të vazhdojë punën siç parashihet në Kushtetutë,” tha Dimal Basha.
Ndërkohë Lista Srpska e cila rriti të bllokoj shtetin e Kosovës përes një postimi në rrjetin social Facebook tha se i është drejtuar Gjykatës Kushtetuese, dhe po në këtë postim thotë për shkak të shkeljes së së rëndë të të drejtave të popullit serb në mbledhjet e Kuvendit në Prishtinë.
“Deputetët e Listës Srpska kanë parashtruar sot ankesë në Gjykatën Kushtetuese për shkak të shkeljes së rëndë të të drejtave qytetare në mbledhjet e Kuvendit në Prishtinë.
Parimet kushtetuese dhe demokratike janë shkelur rëndë, e popullit serb i është pamundësuar që të realizon të drejtat e tij të garantuara,” thekson Srpska Lista duke përfunduar:
Presim që Gjykata Kushtetuese urgjentisht të reagoj dhe të ndërmerr të gjitha masat e domosdoshme për mbrojtjen e sundimit të ligjit, si dhe të drejtat e popullit serb në përputhje me aktet ligjore në fuqi.”
Procesi i votimit
Seanca e Kuvendit nisi me një minutë heshtje për vdekjen e veprimtarit të çështjes kombëtare, Ilmi Ramadani. Tutje, kryetari i Kuvendit, Dimal Basha, foli për Ditën Ndërkombëtare të Personave të Zhdukur, duke kërkuar ndëshkimin e përgjegjësve për këto krime.
Ai bëri thirrje shtetit serb që të përmbushë zotimet ndërkombëtare, duke treguar vendndodhjen e personave të zhdukur dhe duke hapur arkivat shtetërore në bashkëpunim me komisionin e përbashkët për personat e zhdukur, në mënyrë që të mundësohet identifikimi dhe kthimi i tyre tek familjarët.
Deputetja nga radhët e komunitetit serb, Miljana Nikoliq, nuk është votuar për postin e nënkryetares së pestë të Kuvendit. Ajo dështoi tri herë të marrë votat e nevojshme.
Nenad Rashiq ka dështuar të zgjidhet nënkryetar i Kuvendit të Kosovës nga komuniteti serb, pasi tri herë nuk mori votat e nevojshme. Ai mori 56 vota për, asnjë kundër dhe 21 abstenime.
Dhe në fund, deputeti serb Igor Simiq nuk arriti të marrë votat për nënkryetar të Kuvendit të Kosovës. Ai mori 54 vota kundër, 22 abstenime dhe asnjë për.
Në fund, Kryetari i Parlamentit, Dimal Basha, thirri mbledhjen e Kryesisë për ditën e hënë ku pritet të vazhdohet me procedimin e punimeve të parlamentit.
