Parlamenti i Kosovës, sot seanca konstituive me përpjekjen për zgjedhjen e Kryetarit

Pas një javë përpëlitjesh, akuzash dhe kundërakuzash sot deputetët e Parlamentit të Kosovës vazhdojnë vazhdojnë seanca konstituive me fillim nga ora 15:00, pa e kuptuar se sikur edhe të finalizohet me sukses zgjedhja e Kryetarit dhe Nënkryetarëve siç është parashikuar, dëmin që i kanë shkaktuar shtetit të Kosovës me përçarjen në popull përmes ca konstitucionalistëve analfabetë dhe mediave të batonëve dhe buzhalëve, është i pariparueshëm.

Sot, Lëvizja Vetëvendosje sërish vjen me kandidaturën e Kryetares së së Parlamentit, Albulena Haxhiut, duke mos hequr dorë nga kjo kandidaturë që të shtunën në dy përpjekje mori vetëm 57 vota nga 61 sa duhen për tu zgjedhur.

Ndryshe, në seancën e së shtunës, deputetët e Parlamentit të Kosovës, votuan raportin e Komisionit të përkohshëm për verifikimin e kuorumit dhe të mandateve të deputetëve, të cilët më pas u betuan.

Partia Demokratike e Kosovës, PDK, u shpreh qartë se vlerëson të drejtën kushtetuese të partisë së parë për të propozuar kandidatin/en për Kryetar të Parlamentit. Megjithatë, kjo nuk nënkupton domosdoshmërisht edhe përkrahjen e saj për atë kandidaturë.

Ndërkohë Kryetari i LDK-së, Lumir Abdixhiku, i paqartë dhe aspak i ngjashëm me tutor Devollin, ishte i kënaqur me mungesën e numrave për formimin e institucioneve dhe arsyet e bllokimit.

Përveç 20 votave kundër të deputetëve të LDK-së, 3 deputetët e Nismës kanë abstenuar.

Ndërkaq në votim nuk kanë marrë pjesë deputetët e PDK-së, ata të Listës Serbe, Duda Balje dhe Adem Hoxha.