Parlamenti jofunksional, mungon shumica parlamentare…
Koalicioni qeverisës po vazhdon të ketë probleme me numrat në Parlamentin e Kosovës .
Sot, përsëri ka dështuar seanca meqenëse LDK dhe Vetëvendosje po e bojkotojnë atë, për t’i dëshmuar pushtetit se e ka humbur shumicën, raporton KTV.
Në rend dite, ka qenë gjithashtu debati për dialogun me Serbinë, por me të nisur seanca, dështuan të votohen tri projektligje të ndryshme.
Megjithëse, 80 deputetë në sallë, ata të LDK-së e VV-së nuk morën pjesë në votim të projektligjeve.
Këtë, e ka cilësuar bojkot të qëllimshëm kryetari i Parlamentit, duke dhënë pushim.
Partitë në pushtet kanë akuzuar LDK-në veçanërisht se po pengon marrëveshjet ndërkombëtare.
Por, amendamenti i parë për IPA-në nuk kaloi, pasi mori vetëm 71 vota e për të u deshën 2/3.
Kadri Veseli kërkoi pushim të dytë, duke e mbledhur këtë herë kryesinë për të gjetur zgjidhje.
Por, në mbledhje nuk shkuan as LDK-ja e as Vetëvendosje, por aty ishte partia tjetër opozitare, PSD-ja.
LDK dhe Vetëvendosje janë të bindura se vendi në vjeshtë do t’u nënshtrohet zgjedhjeve, për çka Vetëvendosje ka ftuar deputetët e PSD t’i bashkohen këtij bojkoti.
