Parlamenti miraton kandidatin e Edi Ramës për Gjykatën Kushtetuese, Altin Binaj
Me 96 vota për, Parlamenti i Shqipërisë ka votuar për zgjedhjen e anëtarit të ri të Gjykatës Kushtetuese, Altin Binaj, i cili vjen nga sirtari i Kryeministrit Edi Rama.
Lajmin e ka bërë të ditur Kryetari i Grupit Parlamentar të PS, Taulant Balla, përmes rrjetit social “Twitter”.
“Parlamenti shqiptar ka votuar sot anëtarin e fundit të Gjykatës Kushtetuese me 96 vota, të mjaftueshme për ta zgjedhur atë anëtarin e ri të Gjykatës Kushtetuese shqiptare. Kjo është një detyrë shtëpie e rëndësishme për ndërtimin e institucioneve të reja të Drejtësisë,” shkruan Taulant Balla në gjuhën angleze, me siguri për ti bërë të qartë Ambasadores amerikane Yuri Kim e cila i ka caktuar edhe aftain për funksionalizimin e Gjykatës Kushtetuese.
Ndryshe, kandidati i Kryeministrit Edi Rama për Gjykatën Kushtetuese, Altin Binaj, u zgjodh në mënyrë antikushtetuese pasi KED solli për votim vetëm 1 kandidat nga 3 kandidatë që duhet të ishin në fletën e votimit për t’iu nënshtruar votimit të fshehtë.
