Parlamenti miraton Projektligjin për Barazinë Gjinore, protestuesit Pro Familjes: Turp Kombëtar!
Një Parlament me dy realitete, me përfaqësues të popullit brenda që votuan Projektligjin për Barazinë Gjinore, dhe, vetë popullin para këtij Parlamenti që proteston dhe e konsideron Trup Kombëtar.
Epilogu ishte fatal, përfaqësuesit socialist të popullit që nuk duan as ta sqarojnë Projektligjin, u prekën nga deklaratat e Kryetarit të PD, Sali Berisha, për Ambasadorin e BE në Tiranë, Silvio Gonzato, dhe kërkuan me gojën e kreut të Grupit Parlamentar të PS, Taulant Balla, ta votojnë siç dinë ata vetë, dhe me forcën e kartonit i vunë kapakun debatit të kësaj çështje, që pavarësisht mungesës së transparencës, nesër këtij populli pa kulturë do t’ju imponojnë Kulturën Woke, që, jo se do ti bëjë ata më të civilzuar, por do t’ju mbyllë gojën nëse mendojnë ndryshe nga ky Ligj.
Kështu, me 77 vota për dhe 36 vota kundër, Ligji për Barazinë Gjinore u miratua pa krerët e besimeve fetare që shkojnë në Paris të protestojnë por jo edhe para Parlamentit të Shqipërisë për të mbrojtur atë që shkruhet në librat e shenjtë dhe mjaftohen vetëm me një Deklaratë, Kryeministri që udhëron “ligje evropiane” që vetë nuk i voton, dhe 26 deputetë të tjerë që nuk janë dakord me këtë Ligj duke kërkuar tërheqjen e këtij ligji, sepse sipas tyre është me pasoja për shoqërinë dhe familjen shqiptare, por, nuk ishin aty ta votojnë kundër.
Protestat Pro Familjes para Parlamentit i tregoi këtij mileti dhe botës mbarë se në Shqipëri janë pak, por, ka njerëz normal, që e duan më shumë familjen dhe traditën shqiptare se sa një kulturë që zhbënë këtë komb në emër të kërkesave evropiane.
Sensibilizimi i tyre me këtë protestë qytetare përfundoi me një zë protetste kundër këtij akti fatal:
Turp Kombëtar!
Ndryshe, kundërshtimet e opozitës në Parlament, përfaqësuesve të komuniteteve fetare dhe reagimit qytetar u fokusuan tek terminologjia për identitetin gjinor, me pretendimet se përkufizimet e nismës binin ndesh me familjen dhe traditën shqiptare si dhe i hapnin rrugë sipas tyre, njohjes ligjore të komunitetit LGBTI+.
Ndërsa socialistët me urdhër të Edi Ramës mbrojtën nismën si harmonizim me legjislacionin europian dhe arsyen ndryshimet e terminologjisë me një integrim evropian që nuk njeh këtë terminologji të cilën bota e qytetëruar perëndimore e njeh me “kulturë woke”.
