Parlamenti miraton shkarkimin e Xhafajt, Rama: Tani në qeveri do ta votojmë ministrin e Brendshëm, si Zv/ministër…

Pasi Parlamenti e votoi me 75 vota për shkarkimin e Ministrit të Brendshëm, Fatmir Xhafaj, duke pranuar kështu edhe dekretin e Presidenti Ilir Meta, kryeministri Edi Rama tha se më pas do të votohet në qeveri ministri i Brendshëm, Zv/ministër.

Në fjalën e tij para se të votohej shkarkimi i Xhafajt, Edi Rama duke falënderuar Xhafajn bëri të ditur se do të pres Presidentin deri sa ta krijoj bindjen e plotë për sandër Lleshin, i cili për kryeministrin është njeriu i duhur.

Sot do të votojmë shkarkimin e Xhafës, që e falënderoj për bashkëpunimin më pas e votojmë në qeveri ministrin e Brendshëm, si zv.ministër, që e refuzoi presidenti, dhe do t’i japim presidentit kohë që ta bluajë këtë çështje dhe të punojë për të krijuar bindje të plotë por edhe vetes.

Kam shumë besim se Lleshi jo vetëm nuk do të zhgënjejë askënd por do të japë shtysë të fortë në drejtimin e Punëve të Brendshme. Ai në krye të Punëve të Brendshëm, është njeriu i duhur, në kohën e duhur dhe në vendin e duhur si përfaqësues i shumicës së duhur sot dhe nesër i Republikës së Shqipërisë”, tha Edi Rama si për çdo ministër të Brendshëm që kishte në qeveri, si për Saimir Tahirin që e përmbyti vendin në drogë ashtu edhe për vëllaun e trafikantit ndërkombëtarë të drogës, Fatmir Xhafaj, tashmë të shkarkuar.