Parlamenti miraton Statutin e Trepçës

Me 80 vota për, 2 kundër dhe 3 abstenime Parlamenti i Kosovës ka miratuar në orët e para të së dielës, Propozim-statutin e Shoqërisë Aksionare “Trepça”.

Parlamenti i Kosovës ka zhvilluar njërën nga seancat më të gjata të saj, pasi punimet kanë filluar në ora 10:00 të mëngjesit të së shtunës dhe kanë vazhduar pa asnjë pushim deri pas orës 02:00 të së dielës, duke miratuar shumë projektligje me rëndësi, përfshi atë për pagat në sektorin publik, Projektligjin për dialog me Serbinë dhe Buxhetin për vitin 2019.