Parlamenti monist vendos, Gjendja e Fatkeqësisë Natyrore shtyhet deri në 23 Qershor

Me 91 vota për, 5 kundër dhe 3 abstenime, Parlamenti i Shqipërisë miratoi shtyrjen e Gjendjes së Fatkeqësisë Natyrore deri më 23 Qershor.

“Dhënien e pëlqimit për zgjatjen e gjendjes së fatkeqësisë natyrore, të shpallur me vendimin nr. 243, datë 24.03.2020 të Këshillit të Ministrave “Për shpalljen e gjendjes së fatkeqësisë natyrore”, deri në datën 23.06.2020”, thuhet në vendimin e miratuar sot nga Parlamenti i cili tejkaloi edhe vlerësimet e Ish-Ministrit të Shëndetësisë, Leonard Solis, mbi majmunët me kallashnikov.

Kështu Shqipëria bëhet vendi i parë me një masë të tillë, masë të cilën nuk e aplikoi as Wuhani në Kinë, aty ku shpërtheu kjo epidemi dhe infektoi gjithë planetin tonë.