Parlamenti, seanca plenare të enjten. Basha, mbledhje me kryetarët…

Konferenca e Kryetarëve ka vendosur që seanca plenare e radhës e Parlamenti të Shqipëris të mbahet ditën e enjte, duke nisur në orën 10:00.

Pas këtij vendimi mësohet se kryetari i Partisë Demokratike, Lulzim Basha, ka njoftuar mbledhjen e kryetarëve të Degëve në selinë e PD për të diskutuar mbi protestën e radhës.

Ndërkohë që nuk dihet nëse Opozita e Bashkuar do të zhvilloj protesta para Parlamentit në kohën kur zhvillohet seanca plenare, për kryetarin e PS dhe kryeministrin Edi Rama ky është normalitet parlamentar.

Sot, madje, në mbledhjen e Grupit Parlamentar të PS, Edi Rama u ka dhënë edhe porosi të veçantë deputetëve për seancën plenare të së enjtes:

“Në seancat parlamentare flisni të gjithe, jemi në normalitet parlamentar. Nisni diskutimet nëpër bashki për kandidatët për Këshill Bashkiak. Ne fund ne liste duhet të vendosim njerezit me kontribute,” ishte porosia e kryetarit të PS, i cili ka iflluar krijimin e “Opozitës së Edi Ramës.

Për të dëshmuar se nuk është aspak i shqetëuar për krizën e jetës parlamentare ai shfaqi shqetësim për gjendjene futbollit në Shqipëri. Me këtë rast ai i kërkoi anëtares së Komisionit të Ligjeve, deputetes Klotilda Ferhati, të përgatis ashpërsimet në Kodin Penal për dhunën në futboll, ashtu siç paralajmëroi gjatë mbledhjes së fundit të FSHF, ku kërkoi modelin anglez të dënimit, deri në 3 vjet burg për këdo që shkel fushën e blertë.