Parlamenti votoi Altin Binajn, Yuri Kim: Edhe 1 gjyqtar, dhe Gjykata Kushtetuese do jetë funksionale

Duke e cilësuar lajm të madh miratimin e Altin Binajt si gjyqtar të pestë të Kushtetueses, Ambasadorja e SHBA në Tiranë, Yuri Kim, tha se tani duhet vetëm edhe një gjyqtar që Gjykata Kushtetuese të jetë funksionale.

“Lajm i madh: Parlamenti miratoi gjyqtarin për Gjykatën Kushtetuese. Tani ka nevojë për 1 gjyqtar tjetër për Gjykatë Kushtetuese funksionale. Ne shpresojmë që KED të dërgojë listën e kandidatëve te Presidenti,” thekson Ambasadorja Yuri Kim duke përfunduar:

“Kjo është një arritje madhore e cila do të lëvizë një hap më afër BE-së dhe reflekton bashkëpunimin e fortë të KED, Presidentit dhe Parlamentit.”

Ndryshe, sot, me 96 vota për, Parlamenti i Shqipërisë ka votuar për zgjedhjen e anëtarit të ri të Gjykatës Kushtetuese, Altin Binaj.