Parlamenti voton paketën “Anti-KÇK”, 89 vota për dhe 17 kundër

Përkundër kundërshtive të shumta politike dhe jo vetëm, dhe argumentimit nga disa konstitucionalistë për antikushtetueshmërinë, me 89 vota për, 3 abstenime dhe 17 vota kundër, sot Parlamenti i Shqipërisë miratoi Aktin normativ “Për masat parandaluese në kuadër të forcimit të luftës kundër terrorizmit, krimit të organizuar, krimeve të rënda dhe konsolidimit të rendit e sigurisë publike”, i njohur ndryshe si paketa “Anti-KÇK”.

Gjithashtu, Parlamenti miratoi me 85 vota për, 4 abstenime dhe 13 vota kundër edhe projektligjin “Për disa shtesa dhe ndryshime në ligjin nr. 34/2019, “Për administrimin e pasurive të sekuestruara e të konfiskuara”.

Ndryshe, miratimin e këtyre e ligjeve e paralajmëroi Kryeministri Edi Rama me përfundimin e fjalës së tij pak pas mesditës.