Partia Demokratike dhe Ali-Bash-Bardhët!
nga Luan Baçi*
Në më shumë se një vit tashmë, PD ka kaluar një proces zhvillimesh të pazakontë, të vështirë, të larmishëm dhe shumë rezultativ!
E zgjoi nga gjumi i zgjatur vendimi absurd i Bashës në 9 shtator kur përjashtoi liderin historik, doktor Berishën!
Që nga ajo ditë edhe sot ne vazhdojmë të luftojmë, të debatojmë, diskutojmë, propozojmë zgjidhje nga më të ndryshmet!
Historia ka treguar dhe më së miri u kuptua edhe këtë vit me zhvillime të vrullshme, se vota dhe vetëm vota është zgjidhja e çdo problemi dhe ngërçi të krijuar!
Doktor Berisha iu drejtua bazës së partisë dhe filloi një proces demokratik i paparë asnjëherë, jo vetëm te PD, por te asnjë forcë tjetër politike!
Vota e demokratëve për zgjedhjen e kryetarit të PDSH dhe zgjedhjen e strukturave të tjera drejtuese, nga seksionet, grup seksionet, kryetarët e degëve, Këshillin Kombëtar, kryesinë e PDSH dhe gjithë strukturat e tjera që parashikon statuti, ishte vendimtare!
E mbani mend besoj se çfarë nuk bënë Ali-Bash-Bardhët, për të penguar votën e demokratëve me daljen në bazë të doktor Berishës dhe kërkimin e rikthimit të votës!
Përjashtuan nga PD dhe Grupi Parlamentar 4 deputetë të tjerë, Flamur Noka, Albana Vokshi, Edmond Spaho, Luan Baçi, ku edhe sot vazhdojnë që emrat e tyre në parlament të figurojnë jashtë Grupit Parlamentar të PD, me këmbënguljen e Ali-Bash-Bardhëve, pasi doktor Berisha ishte përjashtuar nga Basha në 9 shtator!
Pezulluan edhe 15 deputet të tjerë, duke ju thënë reagoni duke bërë autokritik se dhe ata do të kishin të njëjtin fat si 5 të përjashtuarit!
Shkarkuan kryetarë degësh, sekretar degësh, anëtarë të KK dhe anëtarë kryesie, kryetarë dhe sekretarë grup seksionesh, që nuk iu bindën urdhrit të tyre, por iu bashkuan foltores së doktor Berishës dhe organizuan mbledhjen e firmave për organizimin e Kuvendit historik të 11 dhjetorit!
Presionuan strukturat dhe bënë çmos të dështonin Kuvendin e 11 dhjetorit!
Organizuan farsën e kuvendit të 18 dhjetorit, 5004 delegatë në 1800 karrige!
Në bashkëpunim me Ramën dhe me gjykatat, bllokuan legalizimin formal të vendimeve të Kuvendit të 11 Dhjetorit, me ankimime të paligjshme, gjendje që vazhdon edhe sot e kësaj dite të mbahet peng mirëfunksionimi i partisë nga ky veprim!
Dëmtuan sa mundën dhe bën të pamundurën, në zgjedhjet lokale të 6 marsit që mos të fitonin kandidatët e dalë nga primaret dhe vendosen kandidat paralel, duke shfrytëzuar vulën dhe siglën me ndihmën e Ramës!
I mbytën me tym, gaz lotsjellës dhe shkopinj gome demokratët në shtëpinë e tyre te selia e PD për “fajin” e vetëm se donin të hynin në seli aty ku janë natyrshëm sot!
Mbajnë akoma edhe sot të mbyllura me dryn zyrat në shumë degë të PD!
Në Fier dhe në Mallakastër zyrat vazhdojnë të mbahen të mbyllura nga ata, pa asnjë shkak dhe demokratët dhe strukturat drejtuese i bëjnë takimet në lokale dhe ambiente private!
Dalin akoma dhe deklarojnë se janë ushtrues të detyrës së kryetarit, pra nuk njohin doktor Berishën si kryetar!
Nuk njohin Këshillin Kombëtar dhe thonë që kanë KK të tyre, pa asnjë anëtar!
Kemi kryetarët e degëve që kanë qenë thonë dhe herë pas here mblidhen pinë birra dhe i quajnë takime, kanë ngelur nja 15 ish kryetar degësh që aktivizohen me ta!
Kanë kryesinë e tyre thonë, aq sa janë!
Kanë dhe grupin parlamentar dhe kryetarin e grupit, që është edhe nën/kryetar edhe ushtrues i detyrës së kryetarit edhe drejtues politik në disa qarqe edhe… kryetar i forumit rinor edhe..kryetar i forumit të gruas edhe… etj..
Ky Bardhi nga kush është mandatuar dhe kë përfaqëson?
E quan veten Sekretar të Përgjithshëm akoma?
Pse në prononcimin e tij, thotë deputeti Berisha ka mandatuar z. Paloka dhe nuk thotë, kryetari i PDSH, doktor profesor Sali Berisha!
Çfarë do të bisedohet në këtë takim alla 17 Maj dhe ku do të ulen?
PD ka institucione, Këshilli Kombëtar është institucioni më i lartë vendim-marrës midis dy kuvendeve dhe deputetët janë të gjithë anëtarë të KK.
Aty duhet të vijë Ali- Bash-Bardhi në KK, aty merren vendimet e qëndrueshme, me përfaqësuesit legjitim të demokratëve!
Kaq e thjesht është, marrja pjesë në mbledhjen e KK zgjidh çdo ngërç artificial të krijuar dhe të mbajtur gjallë në mënyrë të ndërgjegjshme nga këta!
Të tjerat janë strategji të mbështetura edhe nga Rama, për të fituar pak kohë Ali-Bash-Bardhët, që të vazhdojnë mbajtjen peng dhe dëmtimin e Partisë Demokratike!
*Deputet i PD
