Partia e re/ Reagimi, Alibeaj: Mungon morali i përfaqësimit politik …

Pas paralajmërimit nga mediat e kontrolluara nga Edi Rama për krijimin e partisë së re, “Bindja Demokratike”, ku për lidere është pagëzuar Ish-Deputetja e Partisë Demokratike, Rudina Hajdari, anëtari i Kryesisë së PD, Enkelejd Alibeaj, tha se është mirë që pas viteve ‘90 u arrit mundësia që kush do mendon se mund të formojë parti mund të garojë por personave të përfolur si themelues të kësaj partie u mungon morali i përfaqësimit politik .

“Asnjë lloj komenti. Në parim mund të them: shumë mirë që pas viteve ‘90 u arrit mundësia që kush do mendon se mund të formojë parti mund të garojë. Në planin politik, emrat që ju sapo thatë deri dje ishin njerëz të zgjedhur prej demokratëve. Para se të jesh politikan duhet të jesh i moralshëm. Iu ke thënë njerëzve se do jesh përfaqësues i juaj, por morali i përfaqësimit politik mungon në këtë rast.”

I pyetur nëse PD nxjerr mësime nga krijimi i një partie të re, Alibeaj u shpreh se Partia Demokratike e mirëpret pluralizmin.

“Gjithmonë ka pasur situate të tilla, ka pasur mësime të nxjerra nga mësimet. A nuk është mirë që partitë të mos funksionojë si garnizone të mbyllura. Më mirë kështu. Dhe këtu nuk ka asgjë për t’u shqetësuar. Edhe nga e majta do ishte mire të kishte parti të tilla, po ky është një defekt i madh i tyre, ku një renegati që del kundër ‘i pritet koka.”