Partizan “i çmendur”, Hebaj përmbys Tiranën me dy gola

Partizani ka triumfuar me përmbysje 2-1 në derbin numër 151 ndaj Tiranës. Dopieta e Rubin Hebajt, i dhuroi fitoren e “çmendur” skuadrës së Gegës, në një sfidë që i pati të gjitha.

Grent Halili kaloi në avantazh bardheblutë në minutën e 51-të, ndërkohë që në fund ishte skuadra e kuqe ajo që triumfoi, duke vijuar serinë e rezultateve pozitive përballë Tiranës.

Derbi duket se është kthyer në një makth për bardheblutë që nuk fitojnë prej vitit 2014. Skuadra e Gegës arriti të godiste 2 herë traversën me Asanin dhe Hilën, teksa nuk munguan rastet e diskutuara./Panorama/

                                                    PARTIZANI-TIRANA 2-1

Hebaj 67′, 87′  / Halili 51′