Sot SPAK i komunikon akuzën Sali Berishës. Opozita në protestë!

Sot Kryetari i Partisë Demokratike, Sali Berisha, është thirrur në orën 12:00 në SPAK ku pritet t’i komunikohet akuza.

Nëdrkohë Opozita në mbështetje të liderit të saj sot ka vendosur të zhvendos protestën prej Rrugës së Shpresës para Prokurorisë së Posaçme, aty ku pritet vendimi i radhës për arrestimin e pashembullt politik.

“Të dashur miq. Ditën e Mërkurë në ora 12:00 kryetari i PD Prof.  Dr. Sali Berisha do shkojë pranë organizatës kriminale të SKAP. Të mobilizohemi të gjithë maksimalisht për protestë të fuqishme solidariteti me të drejtën, me të vërtetën, kundër narkodrejtësisë”, thekson Sekretari i Përgjithshëm, Flamur Noka, në thirrjen drejtuar deputetëve dhe strukturave për të mbështeturKryetarin e Partisë Demokratike, Sali Berisha, para vendimit përfundimtar.

Ndryshe, Kryetari i Partisë Demokratike, Sali Berisha, prej 30 dhjetorit 2023 ndodhet në masën e sigurisë “arrest shtëpie” pas një vendimi politik të SPAK-ut për  procedurat e privatizimit të Ish-Kompleksit Partizani.