Party e paligjshme, pas përplasjes me policinë në Francë, një i ri mbeti pa dorë

Përplasja e ashpër në mes të rinjëve pjesëmarrës në një party dhe policisë e cila bëri përpjekje që të parandaloj mbrëmjen e paligjshme të argëtimit në veriperëndim të Francës, përfundoi me disa të plagosur duke përfshirë dhe një të ri i cili mbeti pa dorë.

Dhuna disaorëshe shpërtheu pasi rreth 1.500 të rinjë duke kundërshtuar masat epidemiologjike për parandalimin e përhapjes së koronavirusit, organizuan mbrëmjen e së premtes një party në qytezën Redon në Brittany.

Rreth 400 policë ndërhynë që të ndëprejnë mbrëmjen e argëtimit dhe të shpërndajnë të rinjtë.

“Situata shumë shpejtë doli jashtë kontrollit, njerëzit filluan të gjuajnë kokteje Molotovi dhe gurë,” tha prefekti Emmanuel Berthier.

Trazirat, ku disa të rinjë u plagosën duke përfshirë dhe pesë policë si dhe të riun që humbi dorën, kanë zgjatur rreth shtatë orë.

Sipas Berthier, situata u qetësua mëngjesin e së shtunës, ndërsa prokuroria ka filluar menjëherë hetimet.