Pas 1.095 ditëve e pranon, Rama: Mjafton të shohësh e të dëgjosh…

Në 3 vjetorin e Reformës në Drejtësi, kur asgjë nuk ka mbetur as nga Reforma dhe as nga Drejtësia, Kryeministri Edi Rama e pranon se mjafton të shohësh e të dëgjosh armiqtë e saj për të kuptuar se sa e drejtë dhe jetike është ajo:

“3 vjet nga votimi i ndryshimeve kushtetuese për Reformën në Drejtësi, mjafton të shohësh e të dëgjosh armiqtë e saj, për të kuptuar se sa e drejtë dhe jetike është ajo për Shqipërinë Europiane, Krenar për PS, dhe mirënjohës për miqtë e partnerët në këtë betejë për të ardhmen.”

1.095 ditë pas kësaj Reforme në Drejtësi, mjafton të shohësh kur KPK shkarkon gjyqtar e prokuror që nuk arsyetojnë 1 milionë lekë por jo edhe për 10 milionë lekë dhe nuk kanë ku të ankohen; Kur Presidenti Dekreton datën e Zgjedhjeve Vendore dhe atë nuk e përfill as Denar Biba sepse vendi është pa Gjykatë Kushtetuese; Kur për Gjykatën e Lartë flet vetëm historia sepse Reforma e la vendin pa këtë gjykatë; Kur për 2.300 lekë të mospagimit të dritave arrestohesh dhe shkon në burg por jo edhe kur je një ministër i Brendshëm i Edi Ramës i akuzuar për organizim të Grupit të Struktuar kriminal; Kur pas 3 vjet Reforme në Drejtësi, me urdhër të Kryeministrit një Gjykatë e Shkallës së Parë për dy ditë jep dy vendime të ndryshme për të njejtën çështje, dhe e kupton se kush janë armiqtë e saj, dhe sa e drejtë dhe jetike është ajo për Shqipërinë Europiane.