Pas 14 Majit, Berisha: Kur don Shkodra, do bëhen zgjedhjet e përgjithshme!
Kryetari i Partisë Demokratike, Sali Berisha, nuk e diskutoi fitoren në Shkodrën, por para demokratëve shkodranë e bëri të qartë se pas 14 Majit, kur don Shkodra, do të bëhen zgjedhjet e përgjithshme!
Me mesazhet për “gratë shkodrane” me të cilat manipuloi Kryetari i Partisë Socialiste Edi Rama, kandidatin e tij Benet Beci për të pushtuar Shkodrën si dhe qytetarët shkodranë, Kryetari i Partisë Demokratike përmbylli tubimin madhështor të cilin i kishin rezervuar paria shkodrane.
“E kam një thirrje për të gjitha gratë e vajzat, nënat dhe motrat e Shkodrës dhe mbarë Shqipërisë; Merreni në dorë, flamurin e fitores, flamurin e kësaj fushate, sepse në të vërtetë për nënën, motrën, vajzën, gruan shqiptare, armik më të egër në pushtet se Edi Rama nuk kanë paturndonjëherë,” tha Sali Berisha një ditë pas takimit me të cilin mburrej Edi Rama se kishte realuzra me “gratë shkodrane” ndërsa për kandidatin e tij në këtë bashki për zgjedhjet e 14 Majit, Benet Beci, shtoi:
“Benet kandidimi yt për Edi Ramën, njeriu që ka përqendruar të gjitha pushtetet në duart e tij, absolutisht në mënyrë identike me despotin Enver Hoxha është gabimi fatal i jetës tënde. Shpirti yt e di se çfarë të detyroi ty të bësh këtë gabim fatal. Di diçka edhe Tom Doshi për këtë detyrim. Benet vetëm për këtë kam bindjen se gjysma e Becëve nuk do të votojnë ty.”
Në fund, nga ky ishull shprese, Kryetari i Partisë Demokratike kishte dhe një mesazh për ditën finale, 14 Majin:
“Ne kemi bërë një betejë, por mbështetja juaj ka qenë vendimtare. Edhe me 6 mars ju ishit shpëtimtarët e vërtetë të opozitës. Ju krijuat, Shkodra, shkodranet dhe shkodranët, me votën e tyre me 6 mars votuan për Shkodrën, ishull shprese, ishull i dritës së fitores që po ndriçon sot, mendjet e zemrat e shqiptarëve nga jugu në veri të Shqipërisë.
Votimi juaj me 14 maj për Bardh Spahinë, votimi juaj për koalicionin ‘Bashkë fitojmë’ për 1-shin, është goditje fatale për monizmin dhe pushtetin e Edi Ramës,” tha Kryetari i Partisë Demokratike, Sali Berisha, duke përfunduar:
“Ju garantoj se pas këtyre zgjedhjeve, atëherë kur don Shkodra, do të bëhen zgjedhjet e përgjithshme.”
Fjala e plotë:
Të dashur qytetare dhe qytetarë të Shkodrës, zonja e zotërinj, vëllezër e motra.
Përshëndetjet e mia më të përzemërta, por edhe mirënjohjen më të pakufishme ndaj jush, por edhe shkodraneve dhe shkodranëve, kudo që janë sot, në këtë sallë, në këtë qytet të bekuar, Shqipëri e emigracion.
Këtë mirënjohje nuk ka fjalë që mund ta përshkruajë, nuk ka poet që mund ti këndojë atë që meriton. Unë mbetem borxhli gjithë jetën time për mbështetjen tuaj.
E dashur zonja deputete Bardeli.
I dashur nënkryetar i Partisë së Lirisë, zoti Haxhinasto.
I dashur kryetar i PD-së së Shkodrës, zoti Gjenarin.
I dashur kryetari i ardhshëm i Bashkisë Shkodër, Bardh Spahia.
Të dashur miq!
Është një nder i madh për mua të paraqes sot para jush kandidatin për kryetar bashkie, të votës tuaj të lirë, Bardh Spahinë. Tu garantoj ju se Bardh Spahia misionin e tij të nisur një vit më parë, me përkushtim të madh, me ndershmëri, me respekt dhe dashuri për qytetarët e Shkodrës, banorët e saj në të 4-anët e rrethit, do ta çojë përpara në të gjitha aspektet, fushat.
Shkodra është një qytet me potenciale më të jashtëzakonshme se çdo territor tjetër i trojeve shqiptare. E vendosur mes detit dhe alpeve, e vendosur mes një kompleks eko-ujor, mrekulli e vërtetë natyrore.
Shkodra qyteti i qytetarëve fisnikë, i grave dhe burrave që gabuan historikisht më pak se të gjithë shqiptarët. Që kanë një raport me Zotin, me vlerat, me të vërtetën, më të drejtin që mund dhe duhet të ketë njeriu i civilizuar. Në këtë mision do të njohë, do të kapë zhvillime të madh dhe të rëndësishme.
Me programin e tij, Bardh Spahia bazuar në parimet më themelore dhe idealet e qytetarëve të Shkodrës, do të shndërrojë Shkodrën në qytetin lider të zhvillimit të harmonishëm, të prosperitetit, të reputacionit më të madh në rajon, Europë dhe kudo.
Miqtë e mi!
Karshi Bardh Spahisë kandidon përfaqësuesi i Edi Ramës. E meriton këtë që po bëni ju, megjithatë kjo është njëra anë, ana tjetër është ftesa ime; Benet hajde këtu bashkë me Bardh Spahinë, dilni para qytetarëve dhe jepni, jepni llogari për çdo gjë. Përgjigjuni të gjitha pyetjeve të qytetarëve të Shkodrës dhe me këtë ti dëshmon se ke ndjenjën e përgjegjësive, përgjegjësisë ndaj qytetarëve të Shkodrës. Me këtë ti shlyen deri diku një detyrim sepse dy vjet në atë parlament nuk e shqipërove njëherë fjalën Shkodër dhe Shkodran.
Benet vetëm për këtë kam bindjen se gjysma e Becëve nuk do të votojnë ty.
Benet kandidimi yt për Edi Ramën, njeriu që ka përqendruar të gjitha pushtetet në duart e tij, absolutisht në mënyrë identike me despotin Enver Hoxha është gabimi fatal i jetës tënde. Shpirti yt e di se çfarë të detyroi ty të bësh këtë gabim fatal.
Di diçka edhe Tom Doshi për këtë detyrim.
Por meqë u ndala tek Toma, shko pak e tako Senadën. Shko tako Namikun, shko tako zonjën Hafizi, se si u flakën si limon i shtrydhur. Edhe Edona e Zeusit e kam këtu dorëheqjen e saj. Nga do të dalësh ti.
Benet edhe njëherë të them, ke bërë gabimin e jetës tënde. Të pashë një ditë këtu në shesh, e kishe vendosur, një ngjyrë tjetër. Naiv je treguar. Por nënat shkodrane dhe nënat shqiptare, përrallën e parë që u tregojnë fëmijëve është përralla e ujkut, me këmbë të lyer me miell.
Por ti nuk del edhe për një arsye tjetër këtu në shesh që është detyrim në çdo vend, qeveritarët duhet të dalin para qytetarëve dhe ti thonë; urdhëro jam këtu për të pyetur çdo gjë, për të dhënë llogari para jush.
Ty s’të lë Edi Rama përveç të tjerash, sepse Edi Rama nuk del dot me Sali Berishën përballë. Po e ftoj në çdo takim, ikën, ikën.
Por si mund ai, që me firmën e tij 430 mln euro janë shndërruar në ndërmarrje të tij dhe të Erion Veliajt.
Por si mund të vijë ai që udhëton me avion me dhomë gjumi dhe shpenzon 22 mln euro udhëtime, në një kohë kur kancelari i Austrisë udhëton me linjat tregtare.
Si mund të vijë ai, që në një kohë kur pensionistët nuk blejnë dot ilaçet, blen për oborrin e pasëm të zyrës së tij, vazo druri 4 mlneuro.
Si mund të vijë ai, që ulet në darka 10 mijë euro. Nuk mund të vijë ai. Ai vetëm vjedh, vjedh nga mëngjesi në darkë qytetarët.
Si mund të vijë ai që rrah gjoksin se do të zëvendësojë qytetarët shqiptarë me bangladeshas, me indianë. Ky armik i kombit të tij, si mund të vijë, nuk mund të vijë. Dhe do ti zëvendësojë se ata nuk votojnë.
Shkodran ka faktuar se është e gatshme të sakrifikojë më shumë se kushdo tjetër për lirinë dhe dinjitetin e vet. Qytetarët e bekuar të këtij qyteti, ky qytet nuk është mposhtur kurrë as nga terroretmë të egra dhe do të mposhtet sot nga një despot që do të mbetet në histori si hajduti më i madh i kombit shqiptar.
Edvin duhet të vish këtu para qytetarëve, tu thuash kur të akuzoi OSBE-ja se ke fshehur 200 mln euro në vitin 2014, pse e mbylle gojën. Po të ishe i pastër, 200 herë i padisje ata që e thanë këtë. Por nuk ishe i pastër ti, se ti jo vetëm ke vjedhur 200 mln, por mbrapa ke vazhduar të vjedhur qindra e qindra milionë të tjerë dhe je i pangopur.
Nuk vjen dot këtu ti, sepse në kundërshtim dhe shkelmim të ligjeve, familjarët e tu fitojnë me qindra tendera. A nuk është akordimi i tenderave familjarëve, përdorim i pushtetit për pasurimin e tyre dhe tëndin.
Baxhanaku yt është famoz, mbi 100 tendera. Tani ka dalë thjeshtra, po i shkatërron të gjitha kompanitë e projektimeve sepse fiton nënkontraktor me një kompani të huaj çdo tender në Tiranë dhe kudo.
Ndaj dhe nuk del. Në fakt unë deri ditën e fundit do ta ftoj, pas datës 14 ai do të ikë, do të marrë atë që meriton.
Ai vjen këtu dhe përpiqet të mashtrojë, gënjejë, se unë jam çerek shkodran, se gjyshen e kam shkodrane, tani dua ti them dy fjalë.
Gjyshja e tij ka qenë një shkodrane fisnike, po ju them unë. Por problemi i saj është se, njëlloj si i asaj nënës në poemën e BertolBrehtit, që thotë; këtë këmishë ngjyrë kaki, dhe këto çizme ti kam falur, sikur të dija, biro çdi, më mirë veten kisha varur. Edhe gjyshja jote po ta dinte Edvin, se yt atë djali i saj, do të firmoste për varjen në litar të poetit që do ti këndonte lirisë, të drejtave të njeriut, do ti vinte këtë epitaf tek guri i varrit.
Por edhe ty Edvin, kur të të shifte që ke përqendruar të gjitha pushtetet, duke vjedhur dhe plaçkitur shqiptarët, një gjë të tillë do ta recitonte çdo natë tek veshi. Ndaj dhe më mirë lejë gjyshen aty ku është të prehet në paqen e Zotit se ti ke marrë rrugën e djallit.
Miqtë e mi!
Këto zgjedhje janë zgjedhjet e jetës tonë. Shkodran përmbysi e para monizmin në vitin 1991, por sot ne jetojmë një monizëm i cili tu them të vërtetën ju, sipas sociologëve më të njohur të kohës është forma më e egër më e shëmtuar e monizmit.
Forma e monizmit që nuk bazohet në doktrinën staliniste, nuk bazohet në teokraci, në sundim ushtarak, por bazohet kryekëput në bandokraci, në sundimin e bandës. Dhe e vërteta është se ti Edvin në çdo ligj të botës, në çdo kod, në çdo kushtetutë kryeson një organizatë kriminale, që vjedh nga mëngjesi deri në darkë shqiptarët, që praktikon gjenocidin ndaj tyre, në kuptimin e kartës së OKB-së për gjenocid, që në nenin 3 thotë; është gjenocid krijimi i kushteve të llogaritura për largimin e qytetarëve nga vendi. Dhe ai këtë bën.
Një njeri që arrestoi 36 mijë shqiptarë, për çfarë, për fatura drite, për çështje civile. Nuk e bën asnjë diktaturë në botë. Nuk arrestohet tjetri për çështje civile. Çështja civile i ka të përcaktuar me një kod qëndrimet, kurse ky si gardian kalonte nga një studio në tjetrën me hekura në xhep, kundër qytetarëve të vet.
Edvin këto dhe tirania e varfërisë që u ktheve shqiptarëve janë aktet më të shëmtuara të një qeveritari.
Të dashur miq!
Në vitin 2008 ne me një trashëgimi varfërie në tërësi, ja dolëm të renditemi në grupin e kombeve me të ardhura të mesme të larta dhe tu them ju që ajo ishte arritja jonë epokale. Sepse ajo tregonte që shqiptarët me mundin e tyre, me gjeninë e tyre krijuese, me shpirtin e tyre të iniciativës së lirë, krijuan me lumenj djerse, krijuan të mira, ndërtuan, u zhvilluan dhe kapën kombe me të ardhura të mesme të larta.
Po në këtë rrafsh, qeveria e cila kishte synim kryesor, pa asnjë diskutim rritjen e mirëqenies, mëkëmbjen gjithnjë e më shumë të qytetarëve, dyfishoi rrogat, dyfishoi pensionet.
Po si e rikthej ky tiraninën e varfërisë, një nga tre armiqtë më të këqij të njeriut.
E ktheu fare thjeshtë, i ngriu rrogat.
Të ngrish rrogat në kushtet e tregut, do të thotë ti varfërosh vit pas viti, qytetarët e tu. Po pse? Sepse çmimet rriten, se ligji i tregut është rritja e vazhdueshme e çmimeve. Dhe ky zotëri nuk u mjaftuar me rritjen natyrale të çmimeve, por krijoi në kulmin e krizës, borde komuniste dhe u tha qytetarëve se; po, ato janë komuniste, por janë të dobishme. Cila ishte dobia e tyre për ju. 1 vit bordet, çdo qytetar shqiptar pagoi për ushqime dhe naftën, 430 mijë lekë më shumë se 1 vit më parë. Çdo qytetar shqiptar la një rrogë, çdo pensionist la dy pensione.
Ndërkohë që ky kishte para nga taksat që i dyfishoi, nga gjobat e tmerrshme që vendos, dyfish krahasuar me buxhetin e vitit 2013. Ky kishte gjithsej 5 miliardë euro, kundrejt 3 miliardë që ishin në vitin 2013. Por problemi i tij është se nuk njeh kufij të vjedhje, se ndërton një rrugë në fushë, autostradë 24 mln euro kilometrin, në një kohë kur në Gjermani ndërtohet me 2, maksimumi 3 milionë euro. Se ndërton një shkollë me 6 milionë euro, me 5 mln euro, në një kohë kur ato ndërtohen me 700 mijë euro, sipas standardit të ndërtimit të shkollave në Europë dhe SHBA.
Pra, ky nuk njeh kufij në vjedhjet e tij, ndaj dhe ky vendosi tiraninë e varfërisë mbi shqiptarët. Largimi i tij me 14 maj më votën tuaj, votimi juaj për Bardh Spahinë, votimi juaj për koalicionin ‘Bashkë fitojmë’ për 1-shin, është goditje fatale për monizmin dhe pushtetin e Edi Ramës.
Ndaj dhe i them Nikolës, se Zoti e ka bekuar votën tënde si misionare e vërtetë kundër monizmit, formës më të egër më të shëmtuar të sundimit të njeriut në të gjitha kohërat.
Miqtë e mi!
Ne kemi bërë një betejë, por mbështetja juaj ka qenë vendimtare. Edhe me 6 mars ju ishit shpëtimtarët e vërtetë të opozitës. Ju krijuat, Shkodra, shkodranet dhe shkodranët, me votën e tyre me 6 mars votuan për Shkodrën, ishull shprese, ishull i dritës së fitores që po ndriçon sot, mendjet e zemrat e shqiptarëve nga jugu në veri të Shqipërisë.
Ju garantoj se pas këtyre zgjedhjeve, atëherë kur don Shkodra, do të bëhen zgjedhjet e përgjithshme.
Por e kam një thirrje, e kam një thirrje për të gjitha gratë e vajzat, nënat dhe motrat e Shkodrës dhe mbarë Shqipërisë; Merreni në dorë, flamurin e fitores, flamurin e kësaj fushate, sepse në të vërtetë për nënën, motrën, vajzën, gruan shqiptare, armik më të egër në pushtet se Edi Rama nuk kanë paturndonjëherë.
Ai është një mizogenist i pashoq dhe i pashembullt dhe nuk e quaj të tillë për gosipin që ekziston për dhunën brutale që përdor në familje, etj., etj., se nuk janë punë të mia ato, por e quaj të tillë për vuajtjet, dhimbjet, psherëtimet, brengën që ai u krijoi gjatë këtyre viteve, nënave dhe motrave, vajzave shqiptare, duke i zhytur në varfëri, duke detyruar fëmijët e tyre të largohen nga vendi, vëllezërit, motrat, djemtë e vajzat të marrin dheun se nuk mund ti mbajnë në shtëpitë e tyre.
E quaj të tillë sepse si i pashpirtë i përdor ato, vetëm fasadë. Merr, emëron 12-13 vajza e gra në qeveri. Absolutisht që ditën e parë e kam përgëzuar dhe hera e parë dhe e fundit në jetën time që e kam përgëzuar. Po. Se ju them unë ju, asgjë nuk e përmirëson shoqërinë më shumë se virtytet e arrira të gruas shqiptare, nënës shqiptare, motrës shqiptare.
Por ç’na doli? Ansambli i badiguardeve të Gadafit. Po. Edona i thotë Zeusi, ajo tjetra i thotë; brendi, e treta i thotë zheniu. Dëgjoja Olta Xhaçkën, vizionari i madh, i pronave të burrit të saj, që i dha resortin, i dha në kundërshtim me ligjin, e shpalli investitor strategjik. Pra ka krijuar një ansambël që ato për çdo gjë mendojnë, çdo gjë mund të përfaqësojnë, por absolutisht nuk përfaqësojnë, gruan, nënën, motrën shqiptare, demokrate, socialiste apo të paparti.
Do të ju tregoj një gjë. U bë dje një takim me gratë këtu në Shkodër. E morëm filmimin dhe e futëm në riderface, në leximin e emocioneve të fytyrës. Çfarë të shohësh, 80% emocione negative ndaj tij. Po, i kemi me minuta këtu se kur rriteshin. Çfarë do të thotë kjo. Kjo do të thotë se ai përsëri kryente një akt të papërgjegjshëm. Nuk mund të marrësh njerëz ti në shesh, që ti mërzitësh, që të mallkojnë, por këtë e bën kudo sepse përsëri verbërisht beson se do të mund të mashtrojë. E vërteta është se u takon kësaj radhe, vajzave dhe grave, me votën e tyre me përpjekjen e tyre në fushatë të jenë promotori kryesor i fitores së Bardh Spahisë në Shkodër, i fitores së kandidatëve të lirisë dhe të votës së qytetarëve, kudo në Shqipëri, i përmbysjes së monizmit të Edi Ramës.
Le ta shndërrojmë këtë pranverë në pranverën e shpresës, pranverën e idealeve tona më të larta.
Rroftë Shkodra, rroftë Shqipëria, rrofshi ju!
Faleminderit shumë!
