Pas 18 orë diskutimi, miratohet Buxheti 2023!

Ndonëse u diskutua për 18 orë, mazhoranca e Edi Ramës nuk lëvizi asnjë presje nga sa ishte shpreh për Projekt – Buxhetin 2023 dhe e miratoi me 76 vota për, 41 kundër ndërsa abstenim nuk kishte.

Kritikat për mospërfilljen e grupeve të interesit ngelën vetëm në proçesverbal, ndërkohë projeksionet e Edi Ramës për akciza dhe TVSH nuk pësuan asnjë ndryshim edhe pse shumë prej propozimeve të hedhura gjatë seancës maratonë, lehtësisht mund të viheshin në jetë për hirë të biznesit dhe pse jo ekonomisë shqiptare.

Ndryshe, seanca plenare e Parlamentit të Shqipërisë filloi ditën e djeshme në orën 10:00 për tu ndërprerë në orën 23:00, duke rinisur sot në orën 09:00, dhe u mbyll me procesin e votimit në orën 13:55.