Pas 24 orë bllokimi në kanionin e Holtës, 43-vjeçari: Ishte tmerr, e përballova me zjarr të ftohtin

Andrea Dervishi, 43-vjeçari i cili u shpëtua nga forcat RENEA pasi mbeti i bllokuar prej pasdites së djeshme në kanionet e Gramshit, ka folur pasi doli shëndoshë e mirë.

Ai tha se ishte një situatë e frikshme, ndërsa tha se duhet menduar dy herë nëse shkohet në të tilla terrene.

“Më pëlqen natyra. Ngecëm aty. Zbritëm poshtë, nuk kishim mundësi të ngjiteshim. Lartësia ishte diku te 500 metra. Isha 200 metra në thellësi dhe mbeta aty. Njoftova policinë. Ndeza zjarr për t’u ngrohur. Erdhi alpinisti. Ishte shumë e frikshme. Falenderoj policinë e Gramshit, zjarrfikëset dhe RENEA-n, i falenderoj se nuk do të dilja gjallë,” tha ai për BW duke rrëfyer dhe çastet e tmerrit deri sa erdhën forcat RENEA:

“E përballova me zjarr të ftohtin. E mendoni dy herë nëse shkoni në të tilla terrene. Nuk do të shkoja përsëri atje, ishte tmerr i vërtetë,”