Pas 30 Qershorit/ Nuk kërkon falje, Ambasadori Soreca kujtohet se palët edhe mund dialogojnë…

Mbështetësi kryesor i vendosjes së diktaturës në Shqipëri dhe konvertimiti të Kryeministrit në Diktator, Zyra e BE në Tiranë, sot ka reaguar pas zgjedhjeve të Edi Ramës më 30 Qershor, duke u kujtuar se palët politike edhe mund të angazhohen në dialog politik.

Ndonëse këtë angazhim Ambasadaori i BE, Luigi Soreca e kërkon urgjent ndërsa ka heshtë kur Edi Rama me KQZ-në e Denar Bibës shkatërruan një sistem të tërë kushtetues, duke bërë nul Dekretin e Presidentit të publikuar në Fletoren Zyrtare, sot Soreca u thotë shqiptarëve të cilët e kishin të qartë edhe para 30 Qershorit se është Gjykata Kushtetuese ajo që do të sqarojë çështje të pazgjidhura që kanë të bëjnë metë drejta kushtetuese duke përfshirë çështjet e zgjedhjeve.

“Është koha që  qeveria, opozita dhe institucionet të tregojnë pjekuri politike dhe të angazhohen urgjentisht në një dialog politik për të kapërcyer situatën aktuale. Është gjithashtu koha për të ecur përpara me reformat e sundimit të ligjit. Zbatimi i reformës në drejtësi vazhdon dhe është e pakthyeshme.”

Dhe në vend se ti drejtohet Edi Ramës që nuk e kishte të qartë se si rrëzohet një Dekret i Presidentit, Ambasadori Soreca e relativizon duke iu drejtuar palëve, ndonëse këto të fundit bënë thirrje pa pushuar se Kryeministri Rama po e çon vendin drejtë diktaturës.

Sot kur diktatura është instaluar, Luigi Soreca thotë:

“Fokusi tani është krijimi i #SPAK dhe sjellja e Gjykatës Kushtetuese përsëri në funksionalitetin e saj. Pasi të përfundojë rigorozisht verifikimi i kandidatëve, SPAK do të lejojë  të përmirësojë më tej luftën e saj kundër korrupsionit dhe krimit të organizuar, ndërsa Gjykata do të jetë në gjendje të sqarojë të gjitha çështjet e pazgjidhura që kanë të bëjnë me të drejtat kushtetuese, duke përfshirë çështjet e zgjedhjeve”, thekson Luigi Soreca përmes rrjetit social Twitter pa kërkuar falje që mbështetën Edi Ramën edhe kur krimi elektoral u dësmua nga gazeta gjermane “Bild” por duke shtuar:

“Lufta kundër korrupsionit duhet të vazhdojë. Prokuroritë duhet të hetojnë çdo formë të pohuar në  raste të krimit të organizuar. Për më tepër, puna ndërpartiake duhet të rifillojë me shpejtësi në për reformën elektorale.”

Në fund, kur Edi Rama nuk respekton asnjë institucion në këtë vend dhe “deep state” i Ramës ka kaluar edhe kufijtë në selitë e partive rivale, Ambasadori Luigi Soreca jep një mesazh që do të ishte turp të shkruhej edhe në vitin 1946:

“Të gjitha Institucionet dhe liderët politikë duhet të përqendrojnë përpjekjet e tyre në këto objektiva në pikëpamje të vendimit vendimtar të KE-së në tetor të tetorit. EU do të vazhdojë të mbështesë plotësisht Shqipërinë dhe qytetarët e saj, të cilët besojnë fuqishëm në të ardhmen evropiane të vendit të tyre.”