Pas 6 vjet dhune me krimin, Rama: SHBA nuk e toleron dhunën kundër institucioneve!

Pas 6 vjet qeverisjeje me dhunë dhe krim, sot, pak orë para Protestës së Madhe të opozitës, Kryeministri Edi Rama e kuptoi se pse Amerika është ajo që është:

“Nuk e kupton lojën me Kushtetutën; nuk e pranon politikën në dëm të zgjedhjeve demokratike; nuk e toleron dhunën kundër institucioneve,” thekson Kryeministri Edi Rama përmes rrjetit social Twitter pa sqaruar se si mund të dhunohen institucionet në Shqipëri kur tashmë janë të përdhunuara nga Qeveria që ai drejton, dhe pasi ministria e Ish-Gjeneral Sandër Lleshajt na tha se disponon informacione shqetësues për protestën e opozitës që fillon në orën 19:00 në Tiranë.

Ja postimi i plotë:

“Prandaj është ajo që është Amerika se nuk e kupton lojën me Kushtetutën; nuk e pranon politikën në dëm të zgjedhjeve demokratike; nuk e toleron dhunën kundër institucioneve – e në këtë rast s’ka se si e fal kundërvënien ndaj Reformës nē Drejtësi! Vetëm përpara drejt 30 qershorit.”