Pas 6 vjetësh/ Më shikoni në sy, Edi Rama: Ky është në sytë e mi, momenti i një fillimi të ri!

Pas 6 vjet qeverisjeje kur shqiptarët braktisin vendin më shumë se kurrë, kur mirëqenia është në rënie të lirë, kur mediat kanë frikë të raportojnë për kryeministrin dhe qeverinë, Kryeministri Edi Rama i drejtohet qytetarëve në ndërrimin e viteve i bindur se do ta transmetojnë edhe pse tashmë ka në dorë shpifjen me shantazh ligjor.

Tha se shumë miq kosovarë e kanë lënduar duke e konsideruar tradhtar. Sa të poshtër janë këta kosovarët vërtetë, nuk e pranojnë traun e Kastratit që e vendosi Edi Rama si kufi të dytë dhe kur ky u kërkon një gjë shumë të vogël, të kthehen nën Serbi meqë aty është edhe Shqipëria, ata zemërohen. Ndoshta kjo do të rezultonte sikur tu thoshte ta shikonin në sy, por iku kjo! Dhe pasi i ngopi me fyerje nga Samiti i Minishengeniti në Tiranë, dreq o punë, ata e lëndojnë. Ç’janë këta kosovarët kështu, pse nuk e pranojnë në gjirin e tyre familjar Vuçiçin edhe pse ai nuk i do shqiptarët; Ose më saktë, i do të vdekur!

Ju jep urdhër qytetarëve shqiptarë ta shohin në  sy, dhe kur asgjë nuk është e qartë ai iu drejtohet se në sytë e tij ky është një fillim i ri; Po, ai fillim që kishte në vitin 2013 me Ilir Metën në krah të cilin e kishte akuzuar muaj më parë si hajdut dhe fillimi i ri po mbantë erë ende pa shkelur në vitin e kobshëm 2014.

Ku je mi sot!

“Të dashur bashkëqytetarë duke qenë se i erdhi radha edhe prioritetit të fundit të vitit 2020, kërkoj të më shikoni në sy: dy fjalë për veten time. Nuk jam i rënë nga qielli, nuk kam menduar ndonjëherë se jam pa të meta, përkundrazi kam më shumë se ju, ndoshta sepse jam i gjatë. Nuk më ka thënë mendja se jam i pagabueshëm, probabilitetin e gabimit e kam më të madh se sa ju por asnjëherë nuk e kam bërë në këtë detyrë një gabim të qëllimshëm për të përfituar.”

I bindur se Edi Rama nuk do të na akuzon për shpifje sepse kush tjetër nuk ka mbetur në këtë vend duhet thënë se Kryeministri nxori nga goja edhe argumentin e tij se në asnjë rast të vetëm nuk kam premtuar diçka duke e ditur që nuk bëhet, për të kaluar radhën, kurrë. Gjithsesi ai tha hapni sytë jo veshët:

“Kush më njeh më nga afër, kush punon me mua e di se nuk këmbëngul në një drejtim apo opinion të gabuar. I dëgjoj argumentet, kur janë bindëse tërhiqem, kam kërkuar dhe ndjesë publike në ndonjë rast të caktuar, nuk më kujtohet se e ka bërë ndonjë paraardhësi im por nuk është ky metri me të cilin mat veten. Jo të gjitha gjërat që kam premtuar i kam mbajtur në kohë por në asnjë rast të vetëm nuk kam premtuar diçka duke e ditur që nuk bëhet, për të kaluar radhën, kurrë.

E para sepse nuk jam nga soji i politikanëve që gënjejnë për vota por jam i racës së atyre që në politikë i ka futur ëndrra për ndryshim.

Pse do duhej të gënjeja, të premtoja gjëra që nuk i besoj as vetë kur me forcën politike që udhëheq kundërshtarët mund t’i mundja edhe me çerekun e premtimeve që kam bërë. Nuk jetoj për të fituar, fitoj sa për të jetuar.

Këtë detyrë që kam e jetoj si privilegjin më të madh që mund t’i jepet njeriut të udhëheq popullin e vet në një pjesë të rrugës së të ardhmes.”

I dëgjoj argumentet, kur janë bindëse tërhiqem, tha Edi Rama por jo edhe në rastin e Ligjit për mediat të cilin vetë e shkruajti dhe vetë e vulosi edhe pse është njeriu, meqë thotë se nuk është politikan, i cili i përdori më së shumëti mediat.

“Unë nuk jam armik i fjalës së lirë por armik i betuar i vulgaritetit e injorancës. Meqë jemi këtu as nuk kam menduar, as nuk kam kërkuar dhe as nuk kam mbështetur ndonjë ligj që kufizon lirinë e shprehjes por një ligj që i jep mundësinë viktimave të shpifjes të mbrohen. As një gjemb në këmbë nuk i fut botuesve e gazetarëve por i kujton se liria e tyre nuk është armë për të cenuar dinjitetin njerëzor.
Shumëkujt i dukem arrogant se besoj tek bindjet e mia, mbase kokëfortësia për t’i shkuar bindjeve të mia, mbase dhe jam por nuk i shmangem përgjegjësive.”

I pashmangshëm ishte tërmeti në këtë fjalim të fundvitit. Ndonëse fatkeqësi natyrore ai i gjeti vendin për ta politizuar e ata që vazhduan ta shohin në sy e kuptuan se pse e tha këtë: “Por kur tërmeti i 26 nëntorit me forcën reaguese dhe me energjinë përbashkuese që gjeneroi u bë vetë momenti i fillimit të ri për Shqipërinë që duam,” tha njeriu që qeverisë që 6 vjet këtë vend duke gërthitur “Shqipëria që duam” dhe sot e thotë fillimi i saj i ri:

“Pavarësisht se kurrë ndonjëherë më parë furtuina nuk ka qenë kaq e frikshme në përmasat e saj. Ne do t’ia dalim në sfidën e rindërtimit, sepse sot jemi më të fortë sesa para tërmetit. Jemi të gjithë më të vetëdijshëm për forcën që kemi, si vend dhe si shoqëri.

Unë jam edhe më i bindur në forcën e kësaj shumice qeverisëse dhe akoma më i vendosur për të bashkëqeverisur këtë vend me ju, më mirë edhe më drejtë.

Ky është në sytë e mi momenti I një fillimi të ri. Për të prodhuar më shumë energji pozitive, për të arritur më shumë për vendin dhe për fëmijët tanë.

Më duhet të rrëfehem se ideja e këtij momenti si një mundësi për një fillim të ri më ka kapur dhe më ka pushtuar pak e nga pak, qysh kur plasi konflikti absurd në gjysmën e parë të vitit.

Më tej kur refuzimi i Këshillit Evropian për çeljen e negociatave me Shqipërinë shkaktoi një tërmet psikologjik me këtë shoqëri të lidhur pazgjithshmërisht me ëndrrën europiane, ky mendim mu përforcua si nevojë për një fillim të ri.

Por kur tërmeti i 26 nëntorit me forcën reaguese dhe me energjinë përbashkuese që gjeneroi u bë vetë momenti i fillimit të ri për Shqipërinë që duam.”

Dhe pasi hodhi një lum akuzash për vite të tëra për kosovarët politik dhe jopolitik që nuk i binden sot tha se shumë miq kosovarë e kanë lënduar duke e konsideruar tradhtar.

“Dua të flas për Shengenin rajonal si një nga prioritetet tona dhe nuk e fsheh dot që më kanë lënduar shumë miq kosovarë ndjekës të kësaj faqeje. As nuk mundem dot si fillim pa ju thënë as për asnjë çmim, në asnjë rast dhe për asgjë në këtë botë, nuk e tradhtoj vendim tim. Kur them popullim tim kam parasysh edhe popullin e Kosovës.

Unë tradhtar? Motra dhe vëllezër nga Kosova, po si? Kur? Pse? Për cilën arsye tjetër në botë përveç arsyes së mos arsyes të atyre që nuk duan të dëgjojnë dhe të kuptojnë të vërtetat e thjeshta të një procesi të nisur 5 vjet më parë. Me sa duket, të tjerët kanë një zotësi që unë nuk e kam dhe dinë ta luajnë me sukses rolin e neveritshëm të patriotit të përvëluar të shqiptarit që digjet për flamur dhe vret për atdhe sapo flitet për shkjaun.”

Edhe pse pak sekonda më parë tha se i dëgjon argumentet, kur janë bindëse tërhiqet, ka kërkuar dhe ndjesë publike por kjo nuk i ndodhë kur i cenohet ideja e “vëllaut Vuçiç” edhe kur përbllaë ka Kosovën dhe kosovarët:

“Flakët e paharruara të së shkuarës përdoren djallëzisht. Koha nuk është me ta. Është me të drejtën dhe të vërtetat që nuk mund të mbulohen.

Shengeni rajonal nuk është Jugosllavi e re siç thonë ata që nuk bëjnë dot as një qeveri me dy parti në Kosovën që e duan shumë sepse me sa duket kur vjen puna te bashkimi i forcave për ta qeverisur mirë Kosovën, ndarja e karrigeve ka më shumë rëndësi se Kosova e mbetur në udhëkryq pa qeveri.

Shyqyr që janë të bashkuar mirë madje edhe me do ustallarë në Tiranë për ta hedhur Kosovën kundër vëllaut të Vuçiçit në Shqipëri, duke ua prishur gjakun dhe errur sytë njerëzve në Kosovë me dokrra patriotike.

Shengeni rajonal nuk është asnjë plan serb për të pushtuar ekonomikisht rajonin siç thonë disa që Kosovën e kanë fushë për lojërat e tyre politike, teksa Kosovës po  ia marrin fytyrën dhe po ia tresin respektin në sytë e miqve amerikanë, pa të cilët Kosova nuk do të kishte lindur dot kurrë.

Shengeni rajonal nuk është asnjë ndonjë program a ndonjë marrëveshje për të amnistuar krimet e regjimit gjakatar të Millosheviçin, për të harruar Reçakun dhe për të ndaluar betejën politike me Serbinë për pranimin e realitetit dhe njohjen e Kosovës shtet sovran.

Qëndrimi ynë as nuk ka lëvizur dhe as nuk do të lëvizë. Shengeni rajonal jo vetëm nuk e dëmton Kosovën, por përkundrazi e ndihmon.”

Pra, nuk është fillimi i ri dhe as ndërrimi i viteve 2013/2014 edhe për ata që nuk e shikuan në sy. Pak gjë e ndryshoi realitetin sepse edhe ata që e shikuan në sy e kuptuan se thjeshtë kanë ngelur edhe pak orë deri tek viti 2020, fjalët i merr era!