Pas 8 vjet dhune e terrori, Edi Rama: Nuk do shihni më policë rrugëve!

Nga dita e parë që shkeli në Bashkinë Tiranë, gjatë tre mandateve dhe sot në mandatin e dytë të Erion Veliajt që e mbanë si model, Edi Rama foli për shërbimet për qytetarët, dhe ndonëse më shumë njerëz ka para kësaj bashkie se sa në Sheshin Skenderbej gjatë gjithë ditës, ai edhe sot duke prezantuar Programin e Partisë Socialiste “Shërbimet për Qytetarët dhe Biznesin” është i bindur se ka zhbërë ryshfetin dhe korrupsionin nëpërmjet shërbimeve qeveritare të ofruara online, dje ajo që është më e rënda thotë publikisht se njerëzit nuk janë të detyruar të presin për radhë të gjata. Dhe jo vetëm kaq!

Për 8 vite të gjitha arritjet i ka realizuar me dhunë dhe terror policor dhe sot Kryeministri Edi Rama tha se një sistem i ri online ka filluar dhe do të ngrihet posaçërisht për policët rrugorë dhe drejtuesit e mjeteve dhe në 4 vitet e ardhshme nuk do të ketë më policë rrugëve, por gjithçka do të kalohet online nga gjobat, verifikimet etj.

“I dëgjoj pa pushim, sepse ndjek me vëmendje sa herë që jam në makinë kryesisht, por edhe në ndonjë moment kur kam pak kohë të lirë komentet tuaja, reagimet tuaja në faqet e mia sociale dhe padiskutim edhe opinionet tuaja në fokusgrupet dhe anketimet tona të opinionit publik.

E ndesh shpesh pakënaqësinë tuaj, padurimin tuaj, ndjenjën e mungesës së një optimizmi për atë që vjen, por nga ana tjetër kam përshtypjen, përshtypjen e plotë, bindëse se kur me shumë të drejtë padiskutim, ju kërkoni më shumë, ju doni më shumë, patjetër meritoni më shumë, harroni se nga jemi nisur.

Harroni se sa shumë është bërë në çdo drejtim dhe sa shumë gjërat kanë ndryshuar. Madje kam përshtypjen se gjërat kanë ndryshuar kaq shumë sa që një e shkuar shumë e aftërt, shumëkujt i ngjan një histori shumë e largët.
Por nuk ishte 70 vjet më parë, nuk ishte as 27 vjet më parë, ishte vetëm deri 7 vjet më parë koha kur të gjithë ju, çdonjëri prej jush për të marrë një copë letër çfarëdoqoftë që nga një çertifikatë e zakonshme familjare te një dokument vërtetimi duhet të rrinte në radhë, apo e keni harruar. Kujtohuni, kujtohuni se në sa shumë radhë iu është dashur të qëndroni, pavarësisht moshës që nga nxënësit e maturës për të shkuar në universitet, tek pensionistët në moshën më të thyer për të marrë një vërtetim pensioni. Sa shumë radhë keni bërë për çdo copë letër dhe sa herë, sa shpesh në ato radhët e bëra iu është dashur të ballafaqoheni me fytyrën indiferente, me fytyrën fyese, poshtëruese të shtetit kur iu është thënë: “Ik, hajde nesër”, “Ik s’kam mundësi sot”. “Ik, ik, kthehu, kthehu”.

Dhe në sa shumë raste ju është dashur të paguani për të kaluar radhën, të paguani për të gjetur një rrugë më të shkurtër që ajo e shkretë copë letër që iu takon me ligj dhe me zakon t’ju vijë në dorë,” tha Edi Rama duke menduar se po flet në Asamblenë e PS të cilët vërtetë nuk presin në radhë ama pjesa tjetër e popullsisë, vërtetë nuk pret sa priste para 8 viteve por shumë javë e muaj më shumë.

“A ju kujtohet, se mirë dritat venin e vinin sipas humoreve të perëndisë apo natyrës ose sipas këputje – shkëputjeve të një kompanie të kthyer në një makth për ju, por edhe kur duhet të paguanit ato fatura afrofe, jo sipas asaj që kishit konsumuar, por sipas asaj që iu caktonin të paguanit, duhet të rrinit në radhë. Duhet të rrinit në radhë shpesh herë në rrugë, në shi, në diell. Për çfarë? Për të paguar,” tha Kryeministri i shkëputur nga realiteti në të cilin çdo shërbim që paguhet ka radhë madj edhe fatura për tu kontrolluar te specialiste në poliklinik, ku radha është më e gjatë se kudo tjetër.

Por jo nuk e pengon Kryeministrin e Spiropalit dhe Manastirliut të vazhdojë:

“A ju kujtohet se në sa shumë raste, në sa shumë raste, sidomos ata që kanë patur shpesh nevojën për të marrë dokumente iu është dashur të kërkoni një mik, të kërkoni një emër, një mbiemër të njohur, të kërkonit një krushk, një fqinj për t’iu ardhur në dorë ajo e shkretë copë letër. Këto ishin sportelet tuaja, ky ishte shteti juaj, shteti ynë, deri përpara 7 vitesh.

Kjo ishte e gjithë çka ndodhej pas sporteleve, pas atyre sporteleve të zymtë ku një dorë zgjatej e tërhiqej, zgjatej e tërhiqej për të marrë sa dhjetëra nganjëherë dokumente që ju vetë duhet të grumbullonit për një vërtetim të vetëm.
Shko atje, ik atje, shko andej, dil andej, ik prapë, kthehu dhe sa shpesh ajo dorë që merrte dosjet tuaja zgjatej drejt jush me një zë krejt indiferent që iu thoshte: ik plotësoje, ik, shko,” vazhdon spektaklin “Shërbimet për Qytetarët dhe Biznesin” ndonëse gjendja është më katastrofë që nga krijimi i shteti shqiptar, ai shton:

“E pra deri 7 vjet më parë. Po sot? Natyrisht ka ende sot, jo pak njerëz që duan të shkojnë në sportele, por faktikisht, kush nuk do të shkojë në sportel, nuk ka nevojë të shkojë sepse janë 1.207 shërbime nga 3 a 4 që ishin deri para 7 vjetësh, ose e thënë ndryshe 95% e shërbimeve që bëjnë zyrat e shtetit për dokumente për qytetarët, janë në xhepin tuaj, në iphone-in tuaj ose në kompjuterin e shtëpisë tuaj.

Natyrisht që e gjithë kjo, përveç të tjerave ka lidhje dhe me atë famëkeqin dhe torturuesin; korrupsionin.
Ka lidhje me ato fjalë që janë bërë makthi i shoqërisë sonë për vite e vite; ryshfet, bakshish. Nëse shohim sesa shumë prej jush janë spostuar tanimë nga sportelet te ndërveprimet me shtetin online, llogaria është shumë e thjeshtë. Po aq ka rënë edhe korrupsioni, po aq ka rënë dhe fuqia e ryshfetit që ekziston patjetër, por që sot është tkurrur masivisht së paku në atë nivel ku ishte masivisht i përhapur, niveli i marrëdhënies së drejtpërdrejtë qytetar-shtet në një sportel.”

Për çdo qytetarë të Republikës së Shqipërisë që ka paguar online dritat ose dhe parkingun e Lali Erit, është terror të dëgjoj këto broçkulla kur ka pa dynjanë me sy pasi i kanë prerë dritat për shkak të një gabimi në pagesën online ose ka paguar gjobën e Policisë Bashkiake sepse policit të Lalit nuk i ka shku sms, por kujt i vlenë kjo kur Kryeministri Edi Rama i thotë:

“1% ishin shërbime online deri para 7 vjetësh. 95% janë sot, por shikoni çfarë ndryshimi. Kur ne e kemi filluar revolucionin digjital kemi numëruar gjithsej 51 mijë aplikime. Çfarë janë 51 mijë aplikime për shërbime kryesisht të pamarra asokohe, aplikime të mbetura në icloud në krahasim me 7.7 milionë aplikime të bëra në vitin 2020 me përgjigje të marrë,” tha Rama pa e kuptuar se çfarë do të thotë kur torturohen qoftë edhe 51 mijë qytetarë, që nënkuptohen 51 mijë tortura që detyrohen të shndërrohen në statistikën e Kryeministrit sepse nuk njohin njeri dhe nuk kanë lekë!

Sa është e saktë kjo statistikë?! Normalisht që nuk e beson as Kryeministri Edi Rama por kjo nuk e pengon të premtoj që në 4 vitet e ardhshme nuk do të ketë më policë rrugëve edhe pse faturat e dritave dhe ujit, protestat josocialiste, shitjes së majdanzoit e parkimit ku nuk thotë Lali Eri, tejkalimit të shpejtësisë edhe pa radar, si dhe luftimit të pandemisë i ka kontrolluar vetëm me dhunë dhe terror policor.

”Sa herë e kishim dëgjuar Shqipërinë dixhitale, internetuale, submikro superfuqi energjitike e solare. Ku sihin? Janë po ata, që duan sot të rikthehen. Për të ardhur tek gjobat. Gjobat, ato blloku blloku, blloku blloku. Komisionet, ankesat, rradhët, është drejt fundit. Po merr fund. DO ketë sistem, që ka fillua, por do kompletohet mandatin e tretë, s’ke më lidhje. Gjithçka online. Jo vetëm për policët,po për çdo qytetar, do të jetë online. Polici në kohë reale verifikon targa, taksat e palikuiduara, gjobat. Cilido që merr gjobë s’ka pse shkon ën radhë. Të kapën në Durrës-Rrogozhinë, Vlorë, Lushnje, s’ke pse shkon në Lushnje. Gjithçka online. Sot që flasim ka ndodhur, është fakt për mbi 15 mijë për masa administrative. Organet e Policisë kanë ndjekur pretendimin online, pa ato tmerret,” tha Edi Rama por nuk foli për tmerrin më të ri kur ti kurrë në jetë nuk ke shkuar në Rrogozhinë dhe të vjen gjoba se ke bërë shkelje të Kodit në Rroogozhinë ose gjetiu.

Por, Kryeministri Edi Rama nuk dorëzohet, vazhdon dhe premton si në ditët e opozitarizmit kur nxjerrte nga goja çdo çemnduri i vinte nëpër mend ose i kishte folur taksisti:

“Me përfshirjen në sistem të monitorimit të trafikut, s’do shihni më policë në rrugë. Do vijë vetëm kur duhet, në rrugë. Nuk do jetë më duke pritur e duke përcjellë. Duke ndaluar e duke lëshuar. Gjithçka online. Shërbimet e transportit janë faqe krejt e re. Ende nuk ka përfunduar. Ende procesi i brendshëm, që është automatizuar për aplikimet online, për procedurat, për dosjet fizike, për të parë nëse ekziston një leje drejtimi direkt aty me një klik. Nuk jemi të kënaqur ne.

Sot është zero. Jemi në kushtet kur në këtë fushë mund të plotësojmë gjithë kuadrin brenda mandatit të tretë. Kujt do ia lini? Do ktheni Spahiun, Spahinjtë, kanë qenë çetë e veçantë e ushtrive të perandorive që suleshin për të rrëmbyer dhe kapur majat. Edhe pushtuar kalatë. Për shërbimet konsullore, është këtu do flasi ministrja e jashtme. Dhe për shërbimet online do flasë drejtorja e AKSH-it. Ka udhëhequr revolucion në terrenin e përballjes me gjithë zgjidhjet dhe algoritmat që duhen krijuar. Sot kemi vizën elektronike, për ata që duan të vijnë të vizitojnë Shqipërinë. Për ata që duan të marrin punëtorë të huaj,” tha i vetëkënaqur Edi Rama i cili sot pas 8 vjet qeverisjeje mund të quhet vetëm Kryeministër i premtimeve.