Pas anulimit të 30 Qershorit: Kryesia e PS: Do të nisin procedurat për shkarkimin e Metës!

Pas Dekretit të Presidentit të Republikës, Ilir Meta, për anulimin e datës së zgjedhjeve të 30 Qershorit, Kryesia e Partisë Socialiste, PS, ka marrë vendim që të nis procedurat për shkarkimin e tij, meqë sipas rilindasve Presidenti e ka humbur të drejtën të qëndrojë në atë detyrë.

Pas mbledhjes së Kryesisë së PS-së, Zëdhënësja e Qeverisë, Elisa Spiropali ka sqaruar e Kryesia ka diskutuar dhe vendosur nisjen e procedurave për shkarkimin e Metës, duke filluar nga seanca e së enjtes.

“Të enjten në seancë plenare do të zhvillohet një debat i gjatë duke shterues ku do të paraqiten të gjithë argumentet se si Meta ka dhunuar republikën dhe ka shpikur një institucion që nuk ekziston në asnjë kushtetutë të quajtur cdekretim. Ky debat do të përmbledhë të gjithë argumentet dhe më pas do ti takojë Kolegjit Zgjedhor dhe KQZ ta shqyrtojë. Meta e ka humbur të drejtën për të qenë në atë pozicion dhe parlamenti do të nisë procedurat e shkarkimit,” tha Spiropali, duke folur edhe për hapat në vijim :

“Do t’i takojë Gjykatës Kushtetuese në fund por kjo nuk na heq në të drejtë për të nisur procedurat për shkarkimin e tij”.

Në fund, për ta rikonfirmuar se është Zëdhënëse e një Qeveri antikushteteuse dhe joinstitucionale, edhe pas Dekretit të firmosur të Presidentit, kur kanë mbetur edhe 20 ditë dhe nuk kemi Gjykatë Kushtetuese që ta shkarkoi Presidentin e lëre më të zgjedh Presidentin e ri për të sjell një Dekret të ri pë zgjedhje, ajo përfundon këtë dalje publike me kumtin e Kryeministrit Edi Rama:

“Më 30 Qershor do të ketë zgjedhje!”