Pas Brexit-it, Qendra e re e BE do të jetë…

Në pritje të Brexit-it, fshati i vogël gjerman është duke bërë përgatitjet e fundit që pas largimit të Britanisë së Madhe, të bëhet Qendra e re gjeografike e Bashkimit Evropian. 

Nga Qendra aktuale në komunën Westerngrund, për një orë udhëtim kalohen 55 kilometra deri tek fshati Gadheim, ku është përgatitur edhe vendi që me krenari do të shënohet Qendra e BE-së me vendosjen e flamurit të Bashkimit Evropian.

Kjo do të jetë një ditë trishtimi për Westerngrund, i cili këtë titull e mori në vitin 2013me anëtarësimin e Kroacisë në Bashkimin Evropian.

Vendi i saktë i Qendrës aktuale është shënuar me një pllakë, hartë dhe flamurin e Bashkimit Evropian. Edhe pse Qendra gjeografike është zhvendosur nga viti 2004, kur Bashkimi Evropian u zgjerua nga 15 në 25 shtete anëtare, ajo ngeli në Gjermani.