Pas certifikimit të rezultateve, Kurti publikon hartën e performancës së LVV-së nëpër komuna
Pasi Komisioni Qendror i Zgjedhjeve certifikoi rezultatin përfundimtar të zgjedhjeve parlamentare të 9 Shkurtit në Kosovë, ka reaguar Kryetari i Lëvizjes Vetëvendosje, Albin Kurti, duke theksuar se ky rezultat duhet të shërbejë për përgatitje për zgjedhjet lokale në vjeshtë.
“Pas certifikimit të rezultatit të zgjedhjeve parlamentare, kështu duken renditjet dhe përqindjet e subjekteve nëpër komuna,” shprehet Kryetari i LVV, Albin Kurti, në reagimin e tij përmes rrjetit social Facebook duke përfunduar:
“Hartë që duhet të na shërbejë edhe në përgatitjet për zgjedhjet lokale në vjeshtë.”
Ndryshe, me certifikimin e rezultateve përfundimtare nga KQZ rezulton se në zgjedhjet parlamentare të 9 Shkurtit, Lëvizja Vetëvendosje është e para me 42.30 për qind, PDK me 20.95 për qind, LDK ka 18.27 për qind dhe AAK -Nisma me 7.06 për qind.
