Pas Dekretit të Presidentit/ Parlamenti, seancë të jashtëzakonshme. Ja SMS-ja për deputetët…

Pas dekretimit të Marsida Xhaferllarit si anëtare e dytë e Gjykatës Kushtetuese, Marsida Xhaferllari, nga ana e Presidentit të Republikës, Parlamenti njoftoi një seanë të jashtëzakonshme për ditën e premte 15 Nëntor.

Konferenca e Kryetarëve vendosi sot që të hartohet një projektrezolutë, e cila do t’i kalojë nesër Parlamentit për seancën e jashtëzakonshme do të mbahet nesër në orën 10:00.

“U vendos hartimi i një projektrezolute që do t’i kaloje seancës plenare, ku do reflektohet qëndirmi i Parlamentit ne raport me vendimin e Presidentit të Republikës Ilir Meta qe dekretoi Marsida Xhaferllarin si anëtare te Gjykatës Kushtetuese,” mësohet nga Konferenca e Kryetarëve.

Ndërkohë deputetët e PS-së jane njoftuar përmes një mesazhi me telefon që të jenë të pranishëm në seancën e jashtëzakonshme, për nesër në ora 10:00.

“Te dashur kolege e kolegë.
Vendimi absurd i djeshem i Presidentit kerkon nje qendrim institucional te Kuvendit ne mbrojtje te Kushtetutes. Per kete qellim do te therrasim neser ora 10.00 seance plenare te Kuvendit. Merrni masat per prezencen e domosdoshme,” thuhet në SMS dërguar deputetëve të Partisë Socialiste për seancën e jashtëzakonshme ku pritet të miratohet edhe Rezoluta lidhur me Dekretin e Marsida Xhaferllari si anëtare e dytë e Gjykatës Kushtetuese.