Pas delirimit të Edi Ramës, Parlamenti ratifikon pjesëmarrjen e Shqipërisë në “Bordin e Paqes”
Me 110 vota për, asnjë kundër dhe braktisjen e procesit të votimit nga Kryeministri i Mamicës dhe të pandehurës Belinda Balluku, Edi Rama, Parlamenti ratifikoi Marrëveshjen e Shqipërisë në Bordin e Paqes, edhe pse nuk e kishte firmosur njeri. Gjithësesi, ky është Edi Rama i cili ngrit kurthe duke keqpërdor edhe iniciativa të Presidentit të Shteteve të Bashkuara, Donald Trump.
Ky votim erdhi pas një delirimi të pashembullt të Kryeministrit Edi Rama i cili mori gjithë opozitën në gojë duke filluar nga Kryetari i Partisë Demokratike, Sali Berisha, e përfundoi tek ideatori i fushatës zgjedhore të PD, La Civitas!
Dhe derisa Presidentja e Kosovës, Vjosa Osmani, po firmoste Kartën e Bordit të Paqes si themeluese në krah të Presidentit amerikan Donald Trump, Edi Rama po gënjente shqiptarët se ishte marrë vesh me Trumpin që të kujdesej për të bijën Ivankën e cila ndodhet në Shqipëri ndërsa po priste të plaste kurthi që kishte ngritur për Opozitën për Marrëveshjen Antikushtetuese për pjesëmarrjen në Bordin e Paqes.
“Humbësit kronikë po përpiqen edhe këtë herë të zhvlerësojnë një mundësi për Shqipërinë. Duan të humbasin edhe këtë rast, duke vazhduar të bindin shqiptarët se nuk vlejnë për gjë tjetër veçse për të përfaqësuar humbjen në të gjitha format e saj,” tha Kryeministri i Mamicës duke akuzuar Opozitën:
“Ju fituat se për muaj me radhë thatë që Amerika do më bënte gjyqin për t’ju kthyer ju në karriget ku nuk do ktheheni kurrë po nuk dolët poshtë karrigeve ku qendrojnë hijerëndë të ndenjurat e stërgjyshit tuaj.
Fituat kur festuar marrjen e Maduros, dhe u thatë shqiptarëve se ishte provë gjenerale për marrjen e Ramaduros nga Kryeministria, ajo zyrë që e keni fiksim 12 vjet dhe mblidheni si qindra Romeo të dëshpëruar për një Zhulietë të vetme. Sot do të votoni të vërtetën e madhe që unë nuk do ta detyroj kurrë ushtrinë amerikane ti bashkohet protestës tuaj se do të dorëzohem vetë paqësisht në duart e autoriteteve amerikane që do më marrin me makinë e do më çojnë në Shtëpinë e Bardhë që të jem pjesë e Bordit të Paqes.”
Dhe në vend se të kërkoi falje se gënjeu shqiptarët se ishte ftuar si themelues i Bordit të Paqes, Edi Rama u tall me opozitën duk ei thënë se sot ajo do të voton pro ngritjes Marrëveshjes për Bordin e Paqes.
“Në fillim thatë nuk ka ftesë, se unë jam mësuar me ju, ua jap pak nga pak. Doli ftesa, jo po këtë ftesën e ka gjithë bota. Tani thonë nuk je tek bordi, ok. Por u ngatërruat se nuk e dini si strukturohen grupet ndërkombëtare, kanë një organigramë që nuk e kuptoni. Do ngrini kartonin dhe do votoni Bordin e Paqes dhe mua si përfaqësues i Bordit të Paqes në Shtëpisë së Bardhë, sot do ngrini kartonin,” tha Edi Rama duke përdor sikur po aderon në Bordin e Konfliktit dhe jo Paqes, dhe, sërish pataksi shqiptarët kur panë llumin të bëhet edhe patriot.
“Pa Tony Blair nuk do ndodhte futja e NATO-s në Kosovë që ju e doni aq shumë, ndërkohë që nuk ndaluat duke çuar naftë te Sllobodani dhe nuk latë fjalë të poshtër pa thënë për UÇK-në. Nga dashuria për Kosovën e kishit”, u shpreh kryeministri nga foltorja e Kuvendit,” tha Edi Rama pa harruar edhe me këtë rast akuzat kundër SPAK-ut, që sipas tij është, stacioni i fundit i rrugës së shpresës së opozitës.
“Çoje në SPAK, thoni ju. Tani që ushtria amerikane anuloi hyrjen me helikopter në Kryeministri, SPAK është stacioni i fundit i rrugës së shpresës suaj për pushtet. Ju fituat,” tha Rama duke iu përgjigjur edhe deputetëve që e akuzonin nga salla se po shfaq nervozizëm gjatë seancës parlamentare.
“Unë nervoz? Unë kam pasionin e atij që sheh se si të gjitha kurthet në pyll janë hapur dhe janë plot. Për ato kurthe duhet durim,” tha njeriu në delir që e çoi gjuhën aty ku i dhemb truri, Ramaduro!
“Sa herë më thoni Ramaduro, unë e dëgjoj Rama duro. Hiqeni këtë, se më shtoni durimin!”
I gjithë ky delirim proamerikan nuk do të kishte kuptim po të mos shante amerikanët që nuk janë me atin e tij shpirtëror, George Soros, si Chris LaCivita, i cili përveç se pjesë e fushatës së Presidentit Trump që i shkaktoi humbje kriminelit Soros ishte dhe drejtuesi i fushatës së PD nër zgjedhjet e fundit.
“Ore si është Latifi? Mos e lëshoni se ai ua merr humbjen fitimtar edhe jua bën më të thellë. Edhe i thoni që të gjitha denoncimet t’ia thotë atij Kongresmenit që e ka në xhep që i merr nga ju i lexon atje që Kongresi do merrej me AKSHI, Thuaji Latifit t’i këndojë ai Kongresmeni.
Kongresi Amerikan dhe ai kongresmeni kanë aq lidhje sa amendamentet e Nard Ndokës me projekt ligjin e PS.
Ka edhe një gjë tjetër, mos lini pas dore punën e non gratës për mua. Se do ju dalë edhe fjala për non gratën. E tha sot dikush që Kuvendin e mblodhi Rama pse ka një ngërç. Një kuotë ishte dhe kuota është me meritë nga një i paarritshëm në të gjitha poshtërsitë dhe ligësitë që i ka bërë popullit shqiptar.
Kishte mirë Saja kur thoshte: Kur s’të vjen zor ty pse të më vijë mua?”
Fjalimin e tij kriminal e përfundoi me një përbuzje ndonëse fliste për Bordin e Paqes, duke paralajmëruar fjalim në Parlamentin e shtetit që marrëdhëniet e mira i kemi vetëm falë atyre që drejtuesin shqiptar dhe nuk ishin komunist, Izraelit”
“Dua t’ju informoj se të hënën e ardhshme do të kem një nder: do t’i drejtohem Knessetit, parlamentit izraelit, si kryeministër i Shqipërisë, pa lejen e këtyre,” u shpreh Edi Rama duke humbur në drejtim të paditur për shqiptarët me ngritjen e dy gishtave, drejtim të cilin e dinë vetëm Alex Soros i cili siç duket e ka urdhëruar të mos votoj Bordin e Paqes së Presidentit Trump.
Në fund, për të dëshmuar se në shtetin që drejton Edi Rama nuk ka demokraci nuk dëshmoi vetëm autorizimi që lëshoi Presidenti i Republikës për Kryeministrin ende pa e ratifikuar Parlamenti Marrëveshjen por edhe Porjketligji “Për ratifikimin e marrëveshjes së pranimit të Republikës së Shqipërisë, përfaqësuar nga, Kryeministri Edi Rama, në Kartën e Bordit të Paqes”, i cili u votua pa diskutim dhe e lë Shqipërinë pa pjesëmarrje kur ajo ngelet pa Edi Ramën!
Ndryshe, votimi i këtij lloj Porjektligji erdhi pasi mazhoranca komuniste me 79 vota hodhi poshtë amendamentin e Partisë Demokratike që nga marrëveshja të hiqej emri i kryeministrit Edi Rama dhe të vendosej emri i Presidentit të Republikës.
