Pas demonstrimit fashist në Bularat/ Idrizi thirrje Presidentit: Mblidh Këshillin e Sigurisë Kombëtare ose…
Pas demonstrimit fashist grek dje në Bularat ku shteti pushoi së ekzistuari, Kryetari i PDIU, Shpëtim Idrizi i bën thirrje presidentit Meta të thërrasë Këshillin e Sigurisë Kombëtare, ndryshe shqiptarët do mbrohen vetë:
“Në këto kushte PDIU dhe shoqata Çamëria kërkojmë me forcë të mblidhet Këshilli i Sigurisë Kombëtare për të vënë në alarm institucionet e sigurisë kombëtare, SHISH, SHIU, Ministrinë e Brendshme, Ministrinë e Mbrojtjes, por dhe për çështjen e financimeve greke për një pjesë të mediave dhe bizneseve,” tha Shpëtim Idiriz duke reaguar pas gjithë atij tmerri që ndodhi dje në Bularat duke shtuar:
“Është e papranueshme dhe indinjuese për çdo shqiptar, të shohim rënien e shtetit shqiptar në jugun e Shqipërisë.”
Ndryshe, kryetari i PDIU, Shpëtim Idrizi paralajmëroi edhe veprimin në rast se nuk vendoset autoriteti i shtetit për garantimin e integritetit territorial të Shqipërisë.
“Ngjarje të tilla shqiptarët i kanë parë në vitin 1914, 1940 dhe në vitin 1997 por kurrë ne nuk mund ti pranojmë ti shohim të përsëritura në vitin 2018. I drejtohem shtetit shqiptar me forcë. Nëse nuk e vendosni dot me forcë autoritetin e shtetit për garantimin e integritetit territorial të Shqipërisë, detyrë që rrjedh nga Kushtetuta, na e thoni se do e mbrojmë ne vete shqiptarët” e mbylli deklaratën Idrizi
