Pas denoncimit nga “PaFrikë.al”, Policia komunikon me MSH dhe ndryshon Urdhrin

Pas denoncimit të PaFrikë.al mbi mungesën e komunikimit mes institucioneve ku për pasojë, regjimi i Edi Ramës lëshon dy Urdhëra për lëvizjen gjatë kësaj fundjave, ka reaguar Policia e Shtetit duke theksuar se me rivlerësimin e komunikimit me Ministrinë e Shëndetësisë në lidhje me Udhëzimin për ditën e diel, 31 maj, pa makina, informon edhe njëherë qytetarët se nuk do të ketë ndalim të qarkullimit të automjeteve brenda qyteteve as ditën e diel.

Ndryshe, të gjithë ata që ishin të paqartë për lirinë e lëvizjes, mëngjesin e sotëm ministrja e Shëndetësisë qartësoi se lëvizja për qytetarë dhe hapja e bizneseve nuk është e ndaluar më 31 maj në zonat e kuqe por vetëm dalja nga këto zona.

Tre orë pas këtij njoftimi Policia e Shtetit bër nul këtë urdhër duke theksuar se në kuadër të zbatimit të masave kufizuese për parandalimin e përhapjes së COVID-19, Policia e Shtetit njofton të gjithë qytetarët se në datën 31.05.2020 do të jenë të hapura të gjitha bizneset, si dhe do jetë e lirë lëvizja për këmbësorët, por nuk do lejohet në asnjë qytet të vendit qarkullimi i automjeteve.

Policia e Shtetit kërkoi mirëkuptimin e qytetarëve por jo edhe të ministres së Shëndetësisë, Ogerta Manastirliu, të cilës i degjeneroi Urdhërin.

Njoftimi i policisë:

Në kuadër të zbatimit të masave kufizuese për parandalimin e përhapjes së COVID-19, Policia e Shtetit njofton të gjithë qytetarët se në datën 31.05.2020 do të jenë të hapura të gjitha bizneset, si dhe do jetë e lirë lëvizja për këmbësorët.

Policia e Shtetit, duke rivleresuar komunikimin me Ministrine e Shendetesise në lidhje me Udhezimin per ditën e diel, 31 maj, pa makina, informon edhe njehere qytetaret se nuk do te kete ndalim te qarkullimit te automjeteve brenda qyteteve as ditën e diel.

Policia do te perqendrohet vetem ne ndalimin e levizjes mes zonave, qe edhe neser do te jene zona te kuqe.

Edhe për këtë fundjavë nuk do lejohet hyrja dhe dalja në zonat e kuqe, si dhe ndalohet lëvizja drejt plazheve nga zonat që nuk janë zona bregdetare.

Policia e Shtetit kërkon mirëkuptimin e qytetarëve që të zbatojnë me rigorozitet ndalim-qarkullimin me automjete për ditën e nesërme, si dhe të respektohet distancimi social në të gjithë vendin.